“Tihambaniseni Ni Swikwembu Swimbeni”

Yakobe afa a swi tiva leswaku Yehovha hi yene ntsena lwa faneliwaka hi ku gandzreliwa, nambiloko a ngi ngi sama a byeliwa nawu mayelanu ni ku gandzrela swithombe. (Eks 20:3-5) Xileswo, loko Yehovha a byele Yakobe leswaku a tlhelela a Bethel, Yakobe a byele lava afaka va ta famba naye leswaku va txukumeta swithombe leswi a va li na swone. Kutani, a swi yimbele hinkwaswu, nambi ku li minkazrazra kumbe masindzra leswi a va swi bekela na swi ni swithombe. (Gn 35:1-4) Nakunene Yehovha a nyonxe swinene hi leswi Yakobe a swi yentxiki.

Namunhla ke, hi nga gandzrela Yehovha ntsena hi ndlela yini? Xa ku sungula, hi ku va kule ni hinkwaswu leswi yelanaka ni swithombe kumbe ni wudemona. Leswi hlayaka ku txukumeta hinkwaswu swi yelanaka ni wungoma. Nakone i swinene ku yanakanyisisa na hi nga si hlawula leswi hi taka hungata ha swone. Hi xikombiso, tivutise leswi: ‘Xana ni zrandzra ku hungata hi mabuku kumbe ma-filme ya mavhampiru, kumbe lama kombisaka vafi lava pfhukeliki vhanu? Xana ni vona ingiki ku hungata hi mintxhumu leyi nga ni masalamusinyana, wuloyi kumbe muzrungi wa tinfisa a swi na khombo ngopfu ka mine?’ Hi fanela ku va kule ni hinkwaswu leswi Yehovha a swi nyenyaka.​—Ps 97:10.

HLALELANI VÍDEO LEDZRI LIKI ‘YALELANI DIYAVULOSI’, U GAMA U HAMBA SWIVUTISO LESWI LANDZRELAKA:

• 

  I yini leswi a swi yentxekela xidondzrana xa Bibele lexi vitaniwaka Pawula?

• 

  Ha yini hi fanela ku djula mpfunu wa vakulu va bandla loko mhunu a hluphiwa hi mademona?

• 

  I yini leswi hi fanelaka ku titsravuxa kumbe ku hambana na swone loko hi djula mpfunu wa Yehovha?

• I yini leswi Pawula a tiboheliki ku swi yentxa?

• U nga wu tingawulisa kuyini nkutxetelo wa mademona?