Yehovha Na Yesu Va Ta Hi Ntsrhunxa

Hi swini swikazratu leswi u kumanaka na swone siku ni siku? Xana u nhloko ya ndangu leyi nga ni wutiyanguleli byinyingi? Xana u wundla vana wuswaku nakone u fanela ku tizra ngopfu akuva u wu wundla? Xana u mumpswha lwa hluphiwaka hi vadondzrikuloni xikole? Xana u kazratiwa hi mavabyi kumbe hi ntanga? Hinkwezru hi kumana ni swikazratu. Nakone vamakwezru vanyingi va kumana ni swikazratu swinyingi hi nkama wun’we. Kambe ha tiyiseka leswaku ku nga li khale Yehovha a ta hi ntsrhunxa ka hinkwaswu leswi.​—2Ko 4:16-18.

Na ha ha yimela nkama lowo wu tlhasa, i swinene ku tiva leswaku Yehovha awa ku twisisa ku tsrana kwezru. Awa nyonxa hi ku dumbeka ni ku tiyisela kwezru. Nakone a ta hi tovokisa ngopfu nkameni lowu taka. (Yr 29:11, 12) Yesu na yene awa zron’weka ha hine. Loko hi kumana ni swikazratu, hi nga dzrimuka mazritu ya Yesu lama liki: ‘Ndzri na n’wine.’ (Mt 28:20) Loko hi yanakanyisisa hi ku ntsrhunxiwa loku Yehovha a hi dumbisaka kone, dumbo dzroledzro dzri ya dzri tiya nakone hi tama hi tiyimisela ku tiyiselela mindzringo​—Ro 8:19-21.

HLALELANI VÍDEO LEDZRI LIKI LAVISISA SWINENE KA YESU NKAMA LOWU XIDZEDZE XI TSRHINDZREKELAKA!—MATOVOKO LAMA TAKA TISIWA HI MFUMU WA XIKWEMBU NKULUKUMBA MI GAMA MI HLAMULA SWIVUTISO LESWI LANDZRELAKA:

• Xana vhanu va tsravukane na Xikwembu Nkulukumba hi ndlela yini, nakone dzri ve dzrini bindzru dzra kone?

• Hi wani matovoko lama taka kumiwa hi lava dumbekaka ka Yehovha?

• Xana wumundzruku byolebyo byi ta kotekisa kuyini?

• Hi wani matovoko lawa u ma yimelaka a misaveni leyimpswha?