KU HANYA SWANGA VAKRISTE
Tsrhama Na U Lulamile A Masikwini Lawa Ya Wugamu
Loko hi tiyiselela mindzringo leyi hi kumanaka na yone swoswi ka ‘masiku lawa ya wugamu’, swi ta hi lulamisela ku tiyiselela mindzringo ya ku bindzra leyi ya ha taka. (2Tm 3:1; vona nota dzra Bíblia de Estudo ka Mt 24:8) Loko va kumana ni timhangu ta ntumbuluku, vhanu va Yehovha va lulamele ku landzrelela minkongomiso minkama hinkwayu kutani va huluxa wutomi byavu. Nakone ku huluka kwezru ku ngo koteka hi ku va hi lulamele ku yingiseta swileleto swa ku tsrhama na hi lulamile swoswi, he moyeni ni le nyameni.—Lk 16:10.
Ku tilulamisela hi tlhelo dzra moya: Tama u va ni xiyimiso lexinene xa ku dondzra ni xa mintizro yin’wana ya moya. Dondzra tindlela ta ku hambanahambana ta mazrezrela. U nga ve khomiwa hi ntxhavu loko wo txhuka u hambana ni vamakwezru va le bandleni swa nkamanyana. (Eza 30:15) Tiyiseka leswaku a wu wuswaku, u na Yehovha na Yesu.—Hi Hleleliwe p. 176 §§ 15-17
Ku tilulamisela hi tlhelo dzra nyama: Dangu wun’wana ni wun’wana wu fanela ku va ni paxta dzra xilamulela mhangu. Handle ka leswo, wu fanela ku va ni swakuda leswi yaneliki, mati ni mizri. Leswo swi ta pfuna ngopfu loko wu fanela ku tsrhama mbangu mun’we wu nga humi kaya.—Pr 22:3; Xalamuka! 05/2017 pp. 4, 6
HLALELANI VÍDEO LEDZRI LIKI XANA U TILULAMISELILE KU LAVISANA NI MHANGU YA NTUMBULUKU? MI GAMA MI HLAMULA SWIVUTISO LESWI LANDZRELAKA:
Hi nga tilulamiselisa kuyini hi tlhelo dzra moya akuva hi langusana ni timhangu ta tumbuluku?
Ha yini hi fanela ku: . . . nyikela ti numeru ta matelefoni ka vakulu ni ku tsrhamela ku bula navu?
lulamisela paxta dzra xilamulela mhangu?
pfuxeta muxaka wa timhangu leti nga ha humelelaka ni leswaku hi nga yentxa yini ka xiyimu xin’wana ni xin’wana?
Hi tini tindlela tizrazru leti hi nga pfunaka vambeni ha tone loko va kumana ni timhangu ta ntumbuluku?
TIVUTISE: ‘Ni nga dondzra yini ka ntungu wa Coronavírus (COVID-19) mayelanu ni ku tsrhama na ni lulamile?’