KU HANYA SWANGA VAKRISTE
Xana U Tilulamiselile Ku Lavisana Ni Hasahasa?
Leswi wugamu byi yaka byi tsrhindzrekela, hi yimela ku yengeteleka ka wubihi, terrorismo ni tiyimpi. (Mpf 6:4) Xana hi nga tilulamiselisa kuyini akuva hi kota ku lavisana ni swikazratu swa nkama lowu taka?
Tilulamisele hi le moyeni: Kambisisa minsinya ya milawu ya Bibele ni timhaka leti tiyisaka ndlela leyi u dumbaka Yehovha ni nhlengeletanu yake ha yone ni leswi taka ku pfuna leswaku u nga ngheneli ka timhaka ta politika. (Pr 12:5; Yeremiya pp. 125-126 §§ 23-24) Lowu hi wo nkama wa ku yaka xinghanu lexi tiyiki a bandleni.—1Pe 4:7, 8
Tilulamiseli hi tlhelo dzra nyama: Loko swi nge ti koteka kuva u huma kaya, tiyiseka leswaku u ni swakuda swa ku yanela ni swin’wana leswi vilelekaka. Nakone tiyiseka hi leswi u taka swi yentxa loko swi sindzrisa leswaku u huma kaya. Kambela leswi nga kone ka paxta dzra xilamulela mhangu, peta swa ku tisizrelela ha swone ni mali. Tiyiseka leswaku u ni tinumeru ta vakulu ni leswaku vone va ni tinumeru tenu.—Eza 32:2; Xalamuka! no 5 wa 2017 pp. 3-7
Hi nkama wa hasahasa, tama u namazrela xiyimiso xaku xa moya. (Flp 1:10) Tingawula ku humahuma na swi nga vileleki. (Mt 10:16) Yavelana ni vambeni swakuda ni mintxhumu yimbeni.—Ro 12:13.
HLALELANI VÍDEO LEDZRI LIKI U TILULAMISELILE KU LAVISANA NI MHANGU?, MI GAMA MI HLAMULA SWIVUTISO LESWI LANDZRELAKA:
Xana Yehovha a nga hi pfunisa kuyini loko ku humelela mhangu?
I yini leswi hi nga swi yentxaka akuva hi tilulamisela?
Hi nga va pfunisa kuyini lava weliwiki hi timhangu?