KU HANYA SWANGA VAKRISTE
Xana U Yimela Nhlamulo Ya Swikhongoto Swaku?
A Bibeleni ku tale hi swikombiso swa vhanu lava khongotiki ka Yehovha nakone a va hlamuliki. Loko malandzra ya Xikwembu Nkulukumba ma vone ndlela leyi Yehovha a ma yingisetiki ni ku ma pfuna ha yone, handle ka ku ganaganeka lipfumelo dzravu dzri tiyisiwile. Xileswo, i swinene ku hine akuva nkama lowu hi khongota hi hlaya mhaka leyi kongomiki ni ku dzringisa ku vona ndlela leyi Yehovha a hlamulaka ha yone swikhongoto swezru. Hi fanela ku dzrimuka ka leswaku swikhongoto swezru swi nga ha hlamuliwa hi ndlela leyi hambaniki ni leswi hi swi kombeliki. (2Ko 12:7-9; Ef 3:20) Xana Yehovha a nga swi hlamulisa kuyini swikhongoto swezru?
Hi ku hi nyika ku zrula ka miyanakanyu ni ntamu wa ku lwisana ni swikazratu swezru.—Flp 4:13
Ku hi nyika wutlhazri bya ku teka swiboho leswinene.—Yk 1:5
Ku hi nyika ntamu ni ku navela ku yentxa xa kukazri.—Flp 2:13
Ku hi nyika ku zrula loko hi hlatiyela.—Flp 4:6, 7
Ku hi nyika mpfunu lowu hi wu vilelaka hi ku tizrisa vamakwezru.—1Yh 3:17, 18
HLALELANI VHIDIYU LEDZRI LIKI YEHOVHA I ‘MUYINGELI WA SWIKHONGOTO’, MI GAMA MI HLAMULA SWIVUTISO LESWI LANDZRELAKA:
Xana xikombiso xa makwezru Shimizu xi hi pfuna hi ndlela muni loko a li leswaku a he he na wuswikoti bya ku yentxa swinyingi hi kola ka mavabyi?
Xana hi nga xi yetiselisa kuyini xikombiso xa makwezru Shimizu?