Mutxhatu I Wa Hi La Ku Nga Helikiki

Wukati bya vakrite lebyi humelelaka byi dzrumisa Yehovha nakone byi yentxa leswaku nuna na sati va nyonxa. (Mr 10:9) Akuva vakriste va va ni wukati lebyi tiyiki ni lebyi nyonxisaka, va fanela ku landzrelela minsinya ya milawu ya Bibele nkama lowu va hlawulaka mhunu wa ku tekana na yene.

Sungula ku namorara ntsena loko u ‘khaluteliwa hi nkama wa wumpswha’, nkama lowu kupswha hi ku navela ka swa tinkuku wu kalaka wu nga ha ku kavanyetiki. (1Ko 7:36) A ta va wutlhazri ku tizrisa nkama waku na wu nga si na txhata akuva u tiyisa wuxaka byaku na Yehovha ni ku txutxela matsramela lamanene ya wukriste. Xileswo, u ta yentxa hinkwaswu leswi u nga swi kotaka akuva u va ni wukati lebyi humelelaka.

Na u nga si na pfumela ku tekana ni mhunu wa kukazri, tinyiki nkama wa ku tiva ‘mhunu wa xihundla xa mbilu’. (1Pe 3:4) Loko u sungula ku vona swa kukazri leswi ku ganaganekisaka ka lweyi u djulaka ku tekana naye, bulani ha swone. A wukatini, a hi fanelanga ku yanakanya hi leswi munghanu wezru wa wukati a fanelaka ku hi yentxela swone kambe hi fanela ku yanakanya ngopfu hi leswi hi nga mu yentxelaka swone. (Flp 2:3, 4) Loko u tizrisa minsinya ya milawu ya Bibele na u nga si na txhata, u ta va na u simeka masungulu lamanene ya wukati lebyi nyonxisaka.

HLALELANI VHIDIYU LEDZRI LIKI NDLELA YA KU BEKISELA MUTXHATU—XIYENGE 3: ‘KU NKONTA LESWI FANELAKA KU HUMEXIWA’ MI GAMA MI HLAMULA SWIVUTISO LESWI LANDZRELAKA:

• Xana a ku fambisa kuyini ku namorara ka makwezru wa xisati na Shane?

• I yini leswi makwezru wa xisati a swi xiyiki loko nkama wu ya wu famba?

• Xana vapswele vake va mu pfunise kuyini, nakone he xini xiboho lexi a xi tekiki?