29 KA SETEMBRU–5 KA OTUBRU
EKLEZIASTA 3-4
Lisimu 93 Ni Xikhongoto | Mazritu Ya Ku Pfula (1 min.)
Hetani nkama xikan’we kun’we na Yehovha
1. Tiyisa Pindzra Dzraku Dzra Miluku Yizrazru
(10 min.)
Tinyikani nkama wa ku va ni mabulu lawa ma pfunaka (Ekl 3:1; Ajuda para a Família artigo 10 §§ 2-8)
Tizrani xikan’we (Ekl 4:9; Xihondzro Xa Ku Zrindzra 05/2023 pp. 23-24 §§ 12-14)
Tiyisani lizrandzru dzrenu na Yehovha (Ekl 4:12; Xihondzro Xa Ku Zrindzra 05/2023 p. 21 § 3)
TIVUTISI: ‘He dzrini khombo ledzri nga ha vaka kone a wukatini byezru loko no heta nkama wunyingi na ni li kule ni nkatanga, ku nga ha va ku susa maferiya ni yendzra ni siya nkatanga kumbe ni nga li kone hi kola ka ntizro?’
2. Tindzralama Ta Moya
(10 min.)
Ekl 3:8—He wini ‘nkama’ lowu wu nga liki wone wa ku ‘zrandzra’? (Perspicaz “Lizrandzru” § 39)
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Ka Bibele
(4 min.) Ekl 4:1-16 (th dondzro 2)
4. Ku Sungula Mabulu
(3 min.) HI MUTI NI MUTI. Tizrisa Xihondzo xo Rindza 01/2025 akuva u sungula mabulu. Txintxa xingheniso xaku loko n’winyi wa muti a vulavula hi mhaka yin’wana. (Zrandzra Vhanu dondzro 2 mhaka 5)
5. Ku Hamba Timpinda
(4 min.) KU NYIKELA WUMBONI BYA XITXHUKETA. Fambisela xidondzro xa Bibele mhunu lweyi a yamukeliki Xihondzo xo Rindza 01/2025. (Zrandzra Vhanu dondzro 9 mhaka 4)
6. Wukaneli
(5 min.) Zrandzra Vhanu xiyengetelo A mhaka 12—Nhlokomhaka: Xikwembu Nkulukumba A Lulamile Nakone A Nga Na Xihlawuhlawu. (th dondzro 19)
Lisimu 131
7. Loko Mi Va Ni Swikazratu A Wukatini Byenu, Dumbani Yehovha
(15 min.) Ku bulisana ni vayingiseti.
Yehovha a nyike vatekani lava va nga vakriste hinkwaswu leswi vilelekaka akuva va va ni wukati lebyi nyonxisaka. Nambitanu, minkama yin’wana vatekani va ta kumana ni swikazratu. (1Ko 7:28) Loko swikazratu leswo swi nga lulamisiwi swi nga ha va tlhanyisa nhloko, nakone minkama yin’wana swi nga ha helisa ku nyonxa ka vatekani ni ku va yentxa va yanakanya leswaku wukati byavu byi nge he nyonxisi. U nga yentxa yini loko u kumana ni swikazratu a wukatini byaku?
A vhidiyu ledzri liki I Yini Lizrandzru Dzra Ntiyiso? dzri kombisa vatekani lava ha liki vampshwa na va kumana ni swikazratu a wukatini byavu. Xana wa xi dzrimuka xilayu lexi papayi a xi nyikiki n’wanake wa xisati loko a li kusuhi ni ku teka xiboho lexi a xi nga fambisani ni ku zrandzra ka Yehovha?
Txhaya VHIDIYU ledzri liki I Yini Lizrandzru Dzra Ntiyiso?—Xithlephu. U gama u hamba xivutiso lexi landzrelaka ka vayingiseti:
Ha yini hi fanela ku yingiseta minkongomiso ya Yehovha loko hi kumana ni swikazratu a wukatini byezru?—Eza 48:17; Mt 19:6
Loko u ni swikazratu a wukatini byaku, patsra Yehovha hi ku va ni xiyimiso lexinene xa moya. Tikazratele ku lulamisa timhaka hi ku tizrisa minsinya ya milawu ya le Bibeleni nakone djuletela dzrungula ledzri nga ku pfunaka ku vona mhaka hi ndlela leyi Yehovha a yi vonaka ha yone ka mabuku yezru. Loko u yentxa leswo, u ta va na u pfumela ku seketeliwa ni ku tovokisiwa ha Yehovha.—Pr 10:22; Eza 41:10.
Txhaya VHIDIYU ledzri liki U Nga Kanganyisiwi Hi Ku Zrula Loku Nga Liki Ka Ntiyiso!—Darrel Na Deborah Freisinger. U gama u hamba xivutiso lexi landzrelaka ka vayingiseti:
Xana u dondzra yini ka mfambu wa vatekani va ka Freisinger mayelanu ni ndlela leyi va lulamisiki swikazratu swavu ha yone?