20-26 KA OTUBRU
EKLEZIASTA 9-10
Lisimu 30 Ni Xikhongoto | Mazritu Ya Ku Pfula (1 min.)
1. Vana Ni Vonela Ledzrinene Hi Mindzringo Leyi U Kumanaka Na Yone
(10 min.)
Ha swi tiva leswaku a mindzringo a hi xikombiso xa leswaku a hi yamukeliwi ha Yehovha (Ekl 9:11; Sentinela 15/08/2013 p. 14 §§ 20-21)
Ka xiyimu lexi xa Sathana, a hi yimeli leswaku mintxhumu hinkwayu yi hi fambela ha hombe (Ekl 10:7; Xihondzro Xa ku Zrindzra 09/2019 p. 5 § 10)
Hi fanela ku tinyika nkama wa ku va hi tikholisa hi tinyiko leti Yehovha a hi nyikiki tone, nambiloko hi kumana ni swikazratu (Ekl 9:7, 10; Sentinela 15/10/2011 p. 8 §§ 1-2)
2. Tindzralama Ta Moya
(10 min.)
Ekl 10:12-14—Xana he xini xitsratsriyo lexi tindzrimana leti ti hi nyikaka xone mayelanu ni mahlevo? (Perspicaz “Mahlevo, Mandzrendzre” §§ 4, 8)
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Ka Bibele
(4 min.) Ekl 10:1-20 (th dondzro 11)
4. Ku Sungula Mabulu
(3 min.) KU ZREZRA KA LE LIVALENI. Sungula mabulu ni mhunu lweyi a tikombaka na a nga nyonxanga. (Zrandzra Vhanu dondzro 3 mhaka 4)
5. Ku Sungula Mabulu
(4 min.) KU NYIKELA WUMBONI BYA XITXHUKETA. Zrezrela mhunu lweyi a hlatiyelisiwaka hi timhaka ta ekonomiya mayelanu ni “Mintiyiso Leyi Hi Zrandzraka Ku Yi Dondzrisa” leyi kumekaka ka xiyengetelo A xa broxura ledzri liki Zrandzra Vhanu. (Zrandzra Vhanu dondzro 4 mhaka 4)
6. Ku Yentxa Vadondzrisiwa
(5 min.) Hanya Hi Ku Nyonxa! xidondzro 17 nkatsrakanyu, mpfuxeto ni lwela leswi. (Zrandzra Vhanu dondzro 12 mhaka 3)
Lisimu 47
7. Yehovha A Ta Ku Pfuna Loko U Humeleliwa Hi Mindzringo
(15 min.) Ku bulisana ni vayingiseti.
Siku ni siku hi lavisana ni mindzringo hi tlhela hi kumana ni swikazratu. Nambitanu mindzringo yin’wana yi humelela swa kola ni kola nakone yi nga hi heta ntamu lakakuva hi kazrala he miyanakanywini, mizrini ni hi tlhelo dzra moya. Hi nga wu kuma kwini mpfunu loko hi kumana ni mindzringo?
Swi nge na mhaka leswaku he wini ndzringo lowu u lavisanaka na wone, Yehovha a ta yentxa leswaku masiku hinkwawu u tiya. (Eza 33:6) Akuva u dumba Yehovha swi djula u va mhunu lweyi a dzringaniselaka. (Pr 11:2) Loko hi kumana ni ndzringo wa kukazri, swi djula nkama wa kuva hi yanakanyisisa leswaku hi ta teka swiboho swa wutlhazri, hi tinyika nkama wa ku tihlayisa kumbe ku hlayisa xaka dzrezru. Hi tlhela hi tinyika nkama wa ku dzrila. (Ekl 4:6)
Leswi Yehovha a tizrisaka malandzra yake akuva ma tiyisana, hi fanela ku tiyimisela ku yamukela mpfunu kumbe ku wu kombela hi ku kongoma. Dzrimuka leswaku vamakwezru va ku zrandzra ngopfu swinene nakone va tiyimisele ku ku pfuna.
Dondzra 2 Vakorinte 4:7-9. U gama u hamba xivutiso lexi landzrelaka ka vayingiseti:
Ha yini hi fanela ku tikazratela ku va kone a mintlhanganwini, ku dondzra Bibele ni ku ya ku zrezreni nambiloko swi tikomba na swi kazrata ku yentxa leswo?
Txhaya VHIDIYU ledzri liki Yehovha A Le Kusuhi Ni Lava Nga Ni Mbilu Leya Ku Tsrhoveka. U gama u hamba swivutiso leswi landzrelaka ka vayingiseti:
Xana Yehovha a va pfunise kuyini vatekani va ka Septer?
Xana vamakwezru va va pfunise kuyini?
U nga dondzra yini ka xikombiso xavu?