Tindlela Ta Ku Hamba Dondzro Ya Ximhunu Ni Wugandzreli Bya Ndangu

A hi gandzreli Yehovha ntsena swanga ntlawa a mintlhanganwini, tinhlengeletanwini ni makongresu, kambe hi tlhela hi mu gandzrela na hi li wuswezru kumbe hi ndangu.Vona tin’wana ta tindlela leti u nga ti tizrisaka ka xidondzro xa ximhunu ni ka wugandzreli bya ndangu.

• Ku lulamisela mintlhanganu. U nga londzrovota mukhandlu lowo akuva u ti toloveta tinsimu ni ku pfuna va ndangu ku ti lulamisela kuva va nyikela tiyangulo.

• Dondzra dzrungula dzra kukazri dzra Bibele. Ntsrhaku ka ku dondzra, u nga ha dezenyara leswi u swi dondzriki kumbe ku tsrala tinhla ta lisima leti u ti dondzriki.

• Dondzra mayelanu ni xikhongoto xa kukazri lexi tsraliwiki Bibeleni, ntsrhaku yanakanyisisa hi ndlela leyi u nga yampswisaka ha yone swikhongoto swaku.

• Hlalela vhidiyu dzra kukazri dzra nhlengeletanu u va u bula ha dzrone ni van’wana kumbe u tsrala leswi u swi dondzriki ka dzrone.

• Lulamisela ntizro wa nsimu hi ku tizrisa swikombiso swa mabulu u va u dzringisa ku hamba minkombiso.

• Hi nga ha hlalela ntumbuluku hi tlhela hi yanakanyisisa ha wone, ntsrhaku hi bula hi leswi wu hi dondzrisaka swone ha Yehovha.a