Hi Nga Yentxa Yini Akuva Wugandzreli Byezru Byi Nyonxisa Xikwembu Nkulukumba?

Hi lani hi swi voniki ha kone ka xidondzro lexi khalutiki, a hi wukhongoti hinkwabyu lebyi nyo-nxisaka Xikwembu Nkulukumba. Nambitanu, hi nga swi kota ku gandzrela Mutumbuluxi we-zru hi ndlela leyi mu nyonxisaka. Xana he byini ‘vukhongoti’ lebyi mu nyonxisaka? (Yakob 1:27) Vona leswi Bibele dzri swi dondzrisaka.

1. Xana wugandzreli byezru byi fanela ku tiseketela ka yini?

Wugandzreli byezru byi fanela ku tiseketela a Bibeleni. Yesu a byele Xikwembu Nkulukumba, a ku: ‘A zritu dzraku hi xo xihlayelamfuzri.’ (Yohan 17:17) Wukhongoti byimbeni byi dzrela tindondzro ta ntiyiso leti nga Zritwini dzra Xikwembu Nkulukumba ledzri huhuteliwiki, ku nga Bibele. Va ti txintxa hi tindondzro ni swihena swa vhanu. Kambe Yehovha a nga nyonxisiwi hi lava va ‘dlayaka nawu wa Xikwembu Nkulukumba’. (Dondzra Marka 7:9.) Hi hala tlhelo, hi nyonxisa mbilu yake loko hi namazrela Bibele hi tlhela hi landzra swilayelo swa dzrone.

2. Hi fanela ku mu gandzrelisa kuyini Yehovha?

Hi fanela ku gandzrela Yehovha ntsena hikusa hi yene Mutumbuluxi wezru. (Apfuletelo 4:11) Leswi swi hlaya leswaku hi fanela ku mu zrandzra ni ku gandzrela yene ntsena na hi nga tizrisi swithombe kumbe swifaniso.—Dondzra Ezaya 42:8.

Wugandzreli byezru byi fanela ku va lebya ‘ku xwenga, bya ku tsrhavisa’ ka Yehovha. (Ba-le-Roma 12:1) Swi hlaya leswaku hi fanela ku yingiseta milawu yake. Hi xikombiso, lava zrandzraka Yehovha va zrandzra milawu yake mayelana ni wukati va tlhela va yi landzra. Nakone a va yentxi mintxhumu leyi honaka ya ku fana ni ku dzraha, ku tizrisiwa ka mizri loku nga liki nawini ni ku popswa.a

3. Ha yini hi fanela ku gandzrela Yehovha xikan’we ni vapfumelikulozri?

Mintlhanganu yezru ya xikazri ka vhiki yi hi nyika mukhandlu wa ku ‘twalisa Yehovha . . . le nhlengeletanwini’. (Amapsalma 111:1, 2) Yin’we ya tindlela ta ku yentxa leswo i ku yimbelela, hi dzrumisa Xikwembu Nkulukumba. (Dondzra Amapsalma 104:33.) Yehovha a hi kombela leswaku hi tlhangana hikusa awa hi zrandzra ni leswi a tivaka leswaku mintlhanganu yi ta hi pfuna akuva hi hanya hi ku nyonxa hi la ku nga helikiki. Loko hi tlhangana, ha pfuneka hikusa ha tiyisana.

KELISISA

4. A hi fanelanga ku tizrisa swifaniso a wugandzrelini byezru

VHIDIYU: Xana Xikwembu Nkulukumba A Djula Hi Mu Gandzrela Hi Ku Tizrisa Swifaniso? (3:26)

• Xana ku yentxeke yini loko van’we va vhanu va Xikwembu Nkulukumba va le minkameni ya ku tsraliwa ka Bibele va dzringise ku mu gandzrela hi ku tizrisa xifaniso?

Van’wana va tizrisa swifaniso loko va gandzrela Xikwembu Nkulukumba hikusa va titwa na va li kusuhi na yene loko va yentxa tanu. Kambe xana leyo hi yone ndlela leyinene? Dondzrani Eksoda 20:4-6 na Amapsalma 106:35, 36, mi gama mi bulisana hi swivutiso leswi:

• I mintxhumu muni kumbe swifaniso swini leswi u voniki vhanu na va swi tizrisa a wugandzrelini byavu?

• Xana Yehovha a titwisa kuyini hi ku tizrisiwa ka swifaniso?

• Xana wene u titwisa kuyini hi ku tizrisiwa ka swifaniso?

5. Ku gandzrela Yehovha ntsena swa hi ntsrhunxa ka madzrimi

VHIDIYU: A Ntsrhunxiwe Hi Ntiyiso (5:16)

Dondzrani Amapsalma 91:14, mi gama mi bulisana hi xivutiso lexi:

• Xana Yehovha a dumbisa ku hi yentxela yini loko hi kombisa leswaku ha mu zrandza hi ku gandzrela yene ntsena?

6. Hi gandzrela Xikwembu Nkulukumba a mintlhanganwini ya bandla

Hi dzrumisa Yehovha hi tlhela hi tiyisana hi ku yimbelela ni ku hlamula a mintlhanganwini ya bandla. Dondzrani Amapsalma 22:22, mi gama mi bulisana hi swivutiso leswi:

• Swa ku nyonxisa ku yingela van’wana loko va hlamula a mintlhanganwini?

• Wa swi navela ku tilulamisela akuva u hlamula a mintlhanganwini?

7. Yehovha awa nyonxa loko hi byela van’wana leswi hi swi dondzraka

Ku ni tindlela tinyingi leti hi nga byelaka van’wana ha tone ntiyiso lowu nga Bibeleni. Dondzrani Amapsalma 9:1 na 34:1, mi gama mi bulisana hi xivutiso lexi:

• I yini leswi u swi dondzriki a Bibeleni leswi u navelaka ku swi byela vambeni?

NKATSRAKANYU

Hi nyonxisa Mutumbuluxi wezru loko hi gandzrela yene ntsena, hi mu dzrumisa a mintlhanganwini ya bandla, hi tlhela hi byela van’wana leswi hi swi dondzraka.

Mpfuxeto

• Xana hi nga dondzrisa kuyini ku gandzrela Xikwembu Nkulukumba hi mayentxela lamanene?

• Ha yini hi fanela ku gandzrela Yehovha ntsena?

• Ha yini hi fanela ku gandzrela kun’we ni lava va djulaka ku nyonxisa Xikwembu Nkulukumba?

HANDZRISISA

Tiva leswi wansati wa kukazri a tsrhikisiki xiswone ku gandzrela swifaniso. Dondzra mfambu lowu liki: “A Na Ha Tizreli Swifaniso.”

“Bibele Dzri Txintxa Wutomi Bya Vhanu” (Xihondzro Xa Ku Zrindzra, 1 ka Julhu wa 2011)

Dondzra leswaku i yini leswi nga ku pfunaka ku hlamula a mintlhanganwini ya bandla.

“Dzrumisa Yehovha A Bandleni” (Xihondzro Xa Ku Zrindzra, Janeru wa 2019)

Vona ndlela leyi mumpswha wa kukazri a pfunekiki ha yone hi mintlhanganu ya bandla nambi leswi a swi nga mu nabyaleli ku kumeka ka yone.

Yehovha A Ni Mhaka Na Mine (3:07)

Vhanu vanyingi va kholwa leswaku vakriste va fanela ku tizrisa xihambanu. Xana leswo i ntiyiso?

“Ha Yini Timboni Ta Yehovha Ti Nga Tizrisi Xihambanu?” (Leswi kumekaka ka jw.org)