Xana Mintlhanganu Ya Timboni Ta Yehovha Yi Nga Ku Pfunisa Kuyini?

Xana u sama u va kone ka wun’we wa mintlhanganu ya Timboni ta Yehovha? Loko u ngi ngi sama u va kone, u nga titwa na u txhava ku kumeka ka yone hi khambi dzra ku sungula. U nga ha tivutisa leswi: Ku yentxeka yini ka mintlhanganu leyi? Ha yini yi li ya lisima? Ha yini ni fanela ku kumeka ka yone? Ka xidondzro lexi u ta dondzra ndlela leyi ha yone ku tlhangana ni van’wana ku nga ku tsrhindzretelaka ka Xikwembu Nkulukumba ni ku ku pfuna hi ku kongoma.

1. Hi xini xivangelo xa lisima ngopfu xa kuva hi tlhangana?

Xiya ndlela leyi mutsrali wa Bibele a hlayiki ha yone xivangelo xa lisima ngopfu xa ku tlhangana ni van’wana: ‘Ndzri ta b’onga Yehovha tinhlengeletanwini.’ (Amapsalma 26:12) Hi ku fanana, Timboni ta Yehovha ti nyonxa swinene hi ku hlengeletana xikan’we a misaveni hinkwayu. Ta tlhangana vhiki ni vhiki akuva ti dzrumisa Xikwembu Nkulukumba, ti yimbelela ni ku khongota. Minkama yin’wana lembe ni lembe, ti tlhela ti kumeka xikan’we ka tinhlengeletanu letikulu akuva ti gandzrela.

2. Xana u ta dondzra yini ka mintlhanganu yezru?

A mintlhanganwini yezru hi dondzrisiwa Zritu dzra Xikwembu Nkulukumba, nakone va hi ‘tlhamuxela mazritu, . . . [ni] nkongometo wa dzrone’. (Dondzra Nehemiya 8:8, BX.) Hi ku va kone mintlhanganwini, u ta dondzra mayelanu na Yehovha ni wumhunu byake lebyi hlamalisaka. Loko u ya mahlweni u tiva lizrandzru ledzri a nga nadzru ha wene, u ta ya u tsrhindzrekela ka yene nakone u ta tlhela u gungula ndlela leyi a nga ku pfunaka ha yone akuva u va ni wutomi bya ku nyonxisa.—Ezaya 48:17, 18.

3. Xana u nga pfunekisa kuyini hi ku hlengelani van’wana a mintlhanganwini yezru?

Yehovha a hi leleta leswaku ‘hi yanakanyana, hi susumetana a lizrandzrwini ni swiyentxwe-ni leswinene, hi nga tsrhiki ku hlengeletana’. (Ba-Heberu 10:24, 25) A mintlhanganwini yezru u ta kuma vhanu lava hakunene va zrandzranaka ni lava ku fana na wene va swi zrandzraka ku dondzra swa ku tala hi Xikwembu Nkulukumba. U ta va yingela loko va kutxanana hi mazritu ya Bibele. (Dondzra Ba-le-Roma 1:11, 12.) Nakone u ta kota ku bula ni van’wana lava va swi ko-taka ku lwisana ni swizralanganya leswi vhanu lava kalaka va nga txhatanga ni lava va txhatiki va tlhanganaka naswu. Leswi swo va swin’we swa swivangelo leswi ha swone Yehovha a djula-ka leswaku hi tlhangana nkama ni nkama!

KELISISA

4. Mintlhanganu ya Timboni ta Yehovha

A dzaneni dzra ku sungula, vakriste a va tlhangana nkama ni nkama akuva va gandzrela Yehovha. (Ba-le-Roma 16:3-5) Dondzrani Ba-le-Kolosa 3:16, mi gama mi bula hi xivutiso lexi landzrelaka:

• Xana vakriste va dzana dzra ku sungula a va gandzrela Yehovha hi ndlela yini?

VHIDIYU: Ku Yentxeka Yini A Ndlwini Ya Mfumu? (2:12)

• Hi kwini ku fana loku ku nga kone loku u ku xiyiki a makazri ka leswi yentxekaka ka Yindlu ya Wugandzreli ni leswi u swi dondzriki ka Ba-le-Kolosa 3:16?

• Ka vhidiyu kumbe ka mufoto, xana u tlhele u xiya xin’wana mayelanu ni mintlhanganu lexi xi ku nyonxisiki?

Dondzrani 2 Ba-le-Korinte 9:7, mi gama mi bulisana hi xivutiso lexi:

• Ha yini ka mintlhanganu ya Timboni ta Yehovha ku ngheniwa mahala?

Xikan’we ni lweyi a dondzraka na wene, lavisa leswi ku taka buliwa ha swone ka wun’we wa mintlhanganu ya vhiki ledzri.

• Hi xini xiyenge xa ntlhanganu lexi u vonaka leswaku xi ta nyonxisa kumbe xi ta ku pfuna ngopfu?

A wu swi tiva?

Ka jw.org, u nga kuma mimbangu ni minkama ya mintlhanganu leyi ku ngheniwaka ha yone a misaveni hinkwayu.

1. Mintlhanganu yezru yi patsra wukaneli, minkombiso ni mavhidiyu. Mintlhanganu yi sungula yi tlhela yi gama hi lisimu ni xikhongoto

2. Ka swiyenge swin’wana swa nongonoko, ku zrambiwa lava va nga kone akuva va hlaya xa kukazri

3. Hinkwavu va hoyozeliwa—vakulu va vhanu ni vatsrongwana

4. Ku ngheniwa mahala mintlhanganwini yezru. Timboni ta Yehovha a ti hakelisi mali ya ku nghena mfuzri a ti fambisi xiparatwana xa minhlengo

5. Swi djula ku tikazrata akuva hi va kone mintlhanganwini

• Ha yini hi fanela ku va kone a mintlhanganwini nkama ni nkama?

NKATSRAKANYU

Ku kumeka mintlhanganwini swi ta ku pfuna ku dondzra leswi yengetelekiki mayelanu na Yehovha, ku kulisa wunghanu byaku na yene ni ku mu gandzrela xikan’we ni van’wana.

Mpfuxeto

• Ha yini Yehovha a hi kutxa ku hlengeletana?

• Xana u ta dondzra yini mintlhanganwini ya Timboni ta Yehovha?

• Hi tini tindlela tin’wana leti u vonaka leswaku u nga pfuneka ha tone hi ku va kone mintlhanganwini?

HANDZRISISA

U nga yentxa yini loko u txhava ku kumekaka ka ntlhanganu wa Timboni ta Yehovha? Vona ndlela leyi mun’we wanuna lweyi a a titwa hi ndlela yoleyo a kotiki ku zrandzra mintlhanganu ha yone.

A Hi Nge Txhuki Hi Dzrivala Ndlela Leyi Va Hi Yamukeliki Ha Yone (4:16)

Vona ndlela leyi mumpshwa mun’wana a zrandzriki mintlhanganu ha yone ni leswi a swi yentxiki kuva a kumeka ka yone minkama hinkwayu.

Ni Yi Zrandzre Ngopfu Mintlhanganu! (4:33)

Dondzra ndlela leyi van’wana va titwaka ha yone hi ku kumeka a mintlhanganwini.

“Ha Yini Swi Li Swinene Ku Ya A Mintlhanganwini A Ndlwini Ya Wugandzreli?” (Leswi kumekaka ka jw.org)

Vona ndlela leyi ha yone khale ka xizro xa ntlawa lowu nga ni tihanyi xi txintxiki wutomi bya xone ntsrhaku ka ku hlalela ntlhanganu wun’we wa Timboni ta Yehovha.

“A Ni Fambafamba Ni Xibalesa” (Xihondzro Xa Ku Zrindzra, 1 ka Julhu wa 2014)