Ku Hamba Madezenyu Lawa Ma Taka Ku Pfuna Ku Dzrimuka Leswi U Swi Dondzraka

A hi minkama hinkwayu swi nabyalaka ku dzrimuka leswi hi swi dondzraka. Kambe swa nabyala ku dzrimuka leswi Yesu a swi dondzrisiki hikusa minkama yinyingi a tizrise swifaniso. U nga kota ku swi vona hi matihlo ya miyanakanyu, leswi yentxaka leswaku u nga swi dzrivali. Hi lani ku fanaka u nga dzrimuka leswi u swi dondzraka hi ku va u zama ku swi vona swanga mifoto. Xana u nga swi yentxisa kuyini leswo? U nga yentxa leswo hi ku va nkama lowu u dondzraka u hamba madezenyu ya leswi u nga ku swi dondzreni.

Lava yentxaka leswo, loko va dondzra mintxhumu leyimpshwa minkama yinyingi va swi dzrimuka ha hombe leswi va swi dondzraka. Va vona leswaku ku tizrisa yentxela ledzro swa pfuna hikusa a u twisisi mazritu ntsena, kambe u kota ni ku twisisa tinhlankulu ta leswi u swi dondzraka. Madezenyu lawa a swi vileli kuva ma za ma xonga, i kuva ntsena ma ku pfuna ku twisisa leswi u swi dondzraka. Nakone ku hlayiwa leswaku vhanu lava kuliki hi ntanga, va pfuneka ngopfu hi ku tizrisa yentxela ledzro.

Ka khambi ledzri landzrelaka, loko u dondzra, u nga ha dzringisa ku hamba man’we ya madezenyu lawo ya leswi u swi dondzraka, u ta hlamala loko u vona leswaku u dzrimuka mintxhumu yinyingi!