Ku djuleka yini akuva ndangu waku wu va ni wutomi lebyi nyonxisaka?

LESWI BIBELE DZRI SWI HLAYAKA

‘Va ni ndjombo lava yingelaka Zritu dzra Xikwembu Nkulukumba, va va va dzri bekisa.’—Luka 11:28.

NDLELA LEYI SWOSWO SWI NGA KU PFUNAKA HA YONE

Leswo swi ta ku pfuna . . .

ku zrandzriwa hakunene.—Ba-le-Efesa 5:28, 29.

ku bekeliwa xitxhavu hakunene.—Ba-le-Efesa 5:33.

ku sizreleleka hakunene.—Marka 10:6-9.

XANA HAKUNENE HI NGA SWI KHOLWA LESWI BIBELE DZRI SWI HLAYAKA?

Ina, hi kola ka swivangelo swibidzri:

• Xikwembu Nkulukumba i Musunguli wa wutomi bya ndangu. Bibele dzri hlaya leswaku mindangu hinkwayu mi huma ka Yehovha Xikwembu Nkulukumba. (Ba-le-Efesa 3:14, 15) Hi mahlayela man’wana, mindangu hinkwayu mi tumbuluxiwe ha Yehovha. Ha yini leswo swi li swa lisima?

  A hi nge u kazri u da swakuda swa ku nandzrika, kutani u djula ku tiva leswaku swi swekisiwi kuyini, xana a wu ta vutisa mani? Kunene, a wu ta vutisa musweki wa swone.

  Hi ndlela leyi fanaka, leswaku hi tiva ndlela leyi ha yone hi nga vaka ni wutomi bya ndangu lebyi tsrhavisaka, hi fanela ku ya ka Yehovha, Musunguli wa ndangu.—Genesis 2:18-24.

• Xikwembu Nkulukumba awa zron’weka ha wene. Loko mindangu mi djulisisa swilayelo swa Yehovha, leswi a swi nyikaka hi ku tizrisa Zritu dzrakwe, mi ta va mi tlhazrihile. Ha yini? ‘Hikusa a zron’wa ha n’wine.’ (1 Petros 5:6, 7) Yehovha a ku navelela leswinene; mfuzri swilayelo swakwe swa pfuna minkama hinkwayu!—Amaproverbia 3:5, 6; Ezaya 48:17, 18.