Xingheniso Xa Xiyenge 1

A Bibele loko dzra ha sungula dzri vulavula hi mintxhumu hinkwayu ya ku xonga leyi Yehovha a yi tumbuluxiki a matilweni ni lani misaveni. Loko u li papayi kumbe mamana, pfuna n’wanaku ku vona ndlela leyi Yehovha a tumbuluxiki mintxhumu leyi ya ku xonga ngopfu swinene ha yone. Tlhamuxela n’wanaku leswaku nkama lowu Xikwembu Nkulukumba a nga hi vumba a hi nyike wuswikoti bya ku vulavula, ku yanakanya, ku khandha mintxhumu, ku yimbelela nambi bya ku khongota. Leyi i mintxhumu leyi swihazri swi kalaka swi nga swi koti ku yi yentxa, kambe yi kotiwaka hi vhanu ntsena. Komba n’wanaku leswaku a ntumbuluku wu nga hi dondzrisa swinyingi mayelanu ni ntamu ni wutlhazri bya Yehovha. Nakone ntxhumu wa lisima ngopfu swinene hi lowu: A mintxhumu leyi Yehovha a yi tumbuluxiki, ku patsra na hine vhanu, yi hi dondzrisa leswaku Yehovha a hi zrandzra ngopfu swinene.