Xingheniso Xa Xiyenge 11

Ka xiyenge lexi, hi ta dondzra hi mimfambu ya Matsralwa Ya Wukriste Ya Xigriki. Hi ta dondzra swinyingi mayelanu na Yesu. Yesu a pswaliwe ka ndangu lowu a wu li swisiwana, a a tsrhama ka xidoropana nakone a a tizra swanga muvatli ni papayi wake. Yehovha a hlawule Yesu leswaku a va Hosi ya Mfumu wa Xikwembu Nkulukumba ni kuva a huluxa a vhanu. Loko u li mupswali, pfuna n’wanaku ku twisisa ndlela leyi Yehovha a hlawuliki ha yone ndangu ni mbangu lowu Yesu a a ta kulela ka wone. Bulani hi ndlela leyi Yehovha a sizreleliki Yesu ha yone akuva a nga dlayiwi ha Heroda ni leswaku a xi kone lexi nga sivelaka Xikwembu Nkulukumba kuva a hetisisa leswi a swi djulaka. Tlhelani mi vona ndlela leyi Yehovha a tizrisiki Yohane akuva a lulamisela ndlela ya ku ta ka Yesu. Khanyisa leswaku ku sukela na a ha li ntsrongo, Yesu a a zrandzra wutlhazri bya Yehovha.