Xingheniso Xa Xiyenge 12

Yesu a dondzrise vhanu mayelanu ni Mfumu wa Xikwembu Nkulukumba. A va dondzrise leswaku va kombela kuva a vito dzra Xikwembu Nkulukumba dzri xwengisiwa, a Mfumu wa Xikwembu Nkulukumba wu ta, ni leswaku a ku zrandzra ka Xikwembu Nkulukumba ku yentxeka lani misaveni. Loko u li mupswali, tlhamuxela n’wanaku lisima dzra xikhongoto lexi. Mu pfuni ku vona ndlela leyi ha yone Yesu a tamiki a dumbeka ka Yehovha nambiloko a dzringiwa hi Sathana. Yesu a hlawule vapostola vake, lava va gamiki va va swizro swa ku sungula swa Mfumu wa Xikwembu Nkulukumba. Pfuna n’wanaku ku vona ndlela leyi Yesu a a zrandzra wugandzreli bya ntiyiso ha yone. Leswi Yesu a a djula ku pfuna vhanu, a dahe lava a va vabya, a phamela lava a va ni ndlala ni ku pfuxa lava fiki. Hi ndlela leyo a kombise leswi Mfumu wa Xikwembu Nkulukumba wu taka swi yentxa a misaveni a nkameni lowu taka.