U Nga Djikadjiki

Leswi Yesu A Swi Yentxiki

VHIDIYU: Yesu A Laya Mufumi Wa Ku Ganya Lweyi A Nga Mumpshwa

1. Hlalela VHIDIYU, kumbe u dondzra Marka 10:17-22, u gama u hlamula swivutiso leswi landzrelaka:

1. He wani matsrhamela lawa Yesu a ma voniki ka mufumi lweyi a nga mumpshwa?

2. Ha yini swi djule kuva Yesu a kombisa lizrandzru ni xixixi akuva a nyikela xilayu ka wanuna lweyi?

Hi Dondzra Yini Ka Xikombiso Xa Yesu?

2. Akuva hi pfuna lava hi dondzraka navu Bibele leswaku va kula hi tlhelo dzra moya hi fanela ku vulavula navu hi lizrandzru kambe na hi nga djikadjiki.

Yetisela Yesu

3. Pfuna lweyi u dondzraka na yene Bibele akuva a tibekela makungu a va a ma tlhaselela.

1. Tizrisa bokisi ledzri liki “Lwela leswi” ledzri kumekaka ka dondzro yin’wana ni yin’wana ya buku ledzri liki Hanya Hi Ku Nyonxa Hi La Ku Nga Helikiki!

2. Pfuna lweyi u dondzraka na yene akuva a vona leswi a nga swi yentxaka leswaku a tlhaselela makungu yake swoswi ni le nkameni lowu taka.

3. Minkama hinkwayu kulungela lweyi u dondzraka na yene hi nhluvuku lowu a wu yentxaka.

4. Zama ku tiva leswi mu yentxaka a nga hluvuki, u gama u mu pfuna ku hlula swikazratu leswo.

1. Tivutise:

   • ‘I yini lexi mu sivelaka ku babatisiwa?’

   • ‘Ni nga yentxa yini akuva ni mu pfuna?’

2. Kombela Yehovha a ku nyika xixixi akuva u nga djikadjiki nakone u mu byela hi ndlela ya lizrandzru leswi a fanelaka ku swi yentxa.

5. Tsremelisa swidondzro leswi kalaka swi nga hluvuki.

1. Akuva u kambela nhluvuku wa lweyi u dondzraka na yene Bibele tivutise leswi:

   • ‘Xana lweyi ni dondzraka na yene Bibele a hanya hi leswi a swi dondzraka?’

   • ‘Xana awa hlalela mintlhanganu a tlhela a vulavula ni van’wana hi leswi a swi dondzraka?’

   • ‘Loko a li leswaku i masiku na a dondzra, xana awa swi kombisa leswaku a djula ku va Mboni ya Yehovha?’

2. Loko lweyi u dondzraka na yene Bibele a nga swi kombisi leswaku a djula ku hluvuka:

   • Mu kombeli akuva a yanakanyisisa leswaku i yini lexi mu sivelaka ku hluvuka.

   • Hi ndlela leyinene, mu tlhamuxeli leswaku ha yini u tsremelisa xidondzro.

   • Mu byeli leswi a fanelaka ku swi yentxa loko a navela ku tlhela a dondzra a nkameni lowu taka.