Zrangisa Dondzro Ya Xikwembu Nkulukumba

HA YINI SWI LI SWA LISIMA: Yehovha, Mudondzrisi Lwenkulu a hi nyika dondzro ya ku yampswa hi lani swi nga kotekaka ha kone. A hi dondzrisa ndlela leyi hi nga yampswisaka wutomi byezru ha yone a tlhela a hi lulamisela wumudzruku bya ku hlamalisa​—na hi nga hakeli ntxhumu! (Eza 11:6-9; 30:20, 21; Mpf 22:17) Hi kola ka dondzro yakwe, Yehovha a hi lulamisela, ku yavelana ni van’wana dzrungula ledzri huluxaka.​—2Ko 3:5.

MAYENTXELA YA KONE:

• Txutxela matsrhamela ya ku titsrongahata ni ku zrula.​—Ps 25:8, 9

• Yamukela ku wupfisiwa loku u ku kumaka swoswi ka ku fana ni ku va ni xiyavelo swanga xidondzrana ka ntlhanganu wa le makazri ka vhiki

• Tibekele makungu ya moya.​—Flp 3:13

• Yentxa minzamu akuva u kota ku faneleka ku wupfisiwa koloko.​—Flp 3:8

HLALELA VHIDIYU LEDZRI LIKI MIHANDZRU YA MOYA LEYI TISIWAKA HI DONDZRO YA YEHOVHA, NTSRHAKU U HLAMULA SWIVUTISO LESWI LANDZRELAKA:

• Hi swini swihinga leswi vazrezri van’wana va tlhangavetanaka naswone akuva va hlengela ka Xikole Xa Vazrezri Va Mfumu?

• Hi kwini ku wupfisiwa loku Xikole Xa Vazrezri Va Mfumu xi ku nyikelaka?

• Xana vamakwezru bandleni va nga va pfunisa kuyini vapasi va xikole lexo ka xiyavelo xavu leximpswha?

• Xana ku djuleka yini akuva u titsralisa ka Xikole Xa Vazrezri Va Mfumu? (Reino de Deus p. 189)

• He kwini ku wupfisiwa kun’wana hi nga ku zrangisaka ka nhlengeletanu ya Yehovha?