Xana U Lulamele Ku Ya Xikole Xa Vazrezri Va Mfumu?

Xana u ni kolomu ka 23 kuya ka 65 wa malembe, nakone u li ka ntizro wa nkama hinkwawu? Xana u ni lihanyu ledzrinene, nakone u lulamele ku tizra kwini na kwini lani ku nga ni xivileleko? Loko nhlamulo yaku a li ina ka swivutiso leswi, xana u sama u yanakanya hi ku ya Xikole Xa Vazrezri Va Mfumu? Ku sukela ka xikole xa ku sungula, vamakwezru vanyingi lava txhatiki ni lava kalaka va nga txhatanga va yile ka xikole xolexo. Nambitanu, ha ha djula vamakwezru vanyingi akuva va ya ka xikole lexi. Kombela Yehovha a ku nyika ku navela ku mu nyonxisa ni ku yetisela N’wanakwe. (Ps 40:8; Mt 20:28; Hb 10:7) Pumba leswi nga ku sivelaka ku faneleka.

Hi yini mikhandlu ya ntizro leyi pfulekeliki lava yiki ka xikole lexi? Van’we va lava pasiki ka xikole lexi va yaveliwe ku ya tizra ka mimbangu leyi ku vulavuliwaka lidzrimi dzrimbeni kumbe ku ya zrezra livaleni ka madoropa lamakulu. Van’wanyana va yaveliwa ku ya tizra swanga valaviseli va miganga, valaviseli va miganga va ku pfaleta kumbe vazrumiwa. Loko u yanakanyisisa hi leswi u nga swi yentxelaka Yehovha, u nga va ni moya wa muprofeta Ezaya lwa tiki: ‘Hi mine lwe, zruma mine.’​—Eza 6:8.

HLALELANI VÍDEO LEDZRI LIKI NTIZRO WA WUZRUMIWA​—VATIZRI VA NTSRHOVELO, MI GAMA MI HLAMULA SWIVUTISO LESWI LANDZRELAKA:

• 

  Xana vazrumiwa va hlawulisiwa kuyini?

• 

  Hi wini ntizro wa lisima lowu vazrumiwa va wu yentxaka?

• 

  Hi wani man’we ya matovoko ya ntizro wa wuzrumiwa?