“Yana Mahlweni U Yanakanya Hi Mintxhumu Leyi”

Mintxhumu yini ya kone? Ba-le-Filipi 4:8 yi li hi fanela ku yanakanya leswi nga xihlayelamfuzri, leswi lulamiki, leswi basiki, leswi zrandzrekaka, leswi nga ni vito ledzrinene, loko ku ni leswi nga ni wunene ni ku nkhensiwa. Hakunene, vakriste a va fanelanga ku yanakanyisisa ntsena hi timhaka ta Bibele. Kambe miyanakanyu yezru yi fanela ku nyonxisa Yehovha. A yi fanelanga ku tsranisa ku tiyimisela kwezru ka ku dumbeka ka Yehovha.​—Ps 19:14.

Swi nga ha hi kazratela ku bakanya miyanakanyu ya ku biha. Hi fanela ku lwa ku ni ku kala ku hetiseka kwezru hi tlhela hi lwa na Sathana, ‘xikwembu xa nkama lo’. (2Ko 4:4) Hinkwaswu leswi humesiwaka ka ma-televisão, ka ma-rádio, ka internet, ka mabuku ni majornali swi bihile hikusa swi hlohloteliwa hi Sathana. Hi fanela ku tivonela ka leswi hi swi twaka ni ku swi vona akuva swi nga ntxhimisi miyanakanyu ni swiyentxo swezru.​—Yk 1:14, 15.

HLALELA VÍDEO LEDZRI LIKI TINGAWULA MINTXHUMU LEYI NGA TSRANISAKA WUDUMBEKI—SWIHUNGATISO LESWI BIHIKI, MI GAMA MI HLAMULA SWIVUTISO LESWI LANDZRELAKA:

• 

  I yini leswi makwezru a a swi vona ka selulari dzrakwe, nakone swi mu khumbise kuyini?

• 

  Xana Ba-le-Galatia 6:7, 8 na Amapsalma 119:37 ti mupfunisi kuyini?