KU HANYA SWANGA VAKRISTE

Yehovha A Zrandzra Vhanu Lava Basiki

Vapswele vanyingi va tikazratela ku dondzrisa vanavu ku basa. Va talisa ku hlaya leswi: “Hlamba mavoko. Bekisa lomu u yetlelaka kone. Kukula ndlwini. Txukumeta nsila.” Nambitanu, minsinya ya milawu mayelanu ni ku basa yi pfa ka Xikwembu Nkulukumba wezru wa ku xwenga. (Eks 30:18-20; Dt 23:14; 2Ko 7:1) Loko hine hi tsrhama na hi basile hi tlhela hi basisa mintxhumu yezru, hi kombisa xihluwa ka Yehovha. (1Pe 1:14-16) Hi nga kuyini hi makaya ni le mugangeni wezru? Hi hambanile ni lava va txukumetaka nsila a tindleleni ni le swizrambeni. Hine swanga vakriste hi yentxa hinkwaswu leswi hi nga swi kotaka akuva hi basisa misava ku nga kaya kwezru. (Ps 115:16; Mpf 11:18) Hi kombisa leswaku hi vhanu va ku basa nambi ka ntxhumu wa wutsrongo, ku fana ni ku txukumeta papela dzra xidonsana, xigadzrana xa refrexku kumbe papela dzra xuwinga. A wuton’wini byezru, hi djula ku ‘tivonekisa hi leswi fanelaka vatizreli va Xikwembu Nkulukumba’.—2Ko 6:3, 4.

HLALELANI VÍDEO LEDZRI LIKI XIKWEMBU NKULUKUMBA A ZRANDZRA VHANU LAVA BASIKI, MI GAMA MI HLAMULA SWIVUTISO LESWI LANDZRELAKA:

I yini leswi van’wana va tiyimelelaka ha swone leswaku va nga basi?
Xana Nawu wa Moxe wu dzri kombisisa kuyini vonela dzra Yehovha mayelanu ni ku basa?
Hi nga mu dzrumisisa kuyini Yehovha na hi nga hlayanga ntxhumu?

Tatana lwa nghenaka movheni wa n’wanakwe; tatana ni n’wana va bulisanaka hi vonela dzra Yehovha mayelanu ni ku basa; vaprista vabidzri va khale va ya xibyeni xa ku hlambela ka xone; n’wana lweyi swoswi a basisiki movha a ya ku zrezreni ni ntlawa — Ni nga swi kombisisa kuyini leswaku ni ni vonela dzra Yehovha hi ku basa?