Xana Wa Byi Nyika Lisima Wukosi Byi Nga Bibeleni?

A Bibele dzri tale hi miyanakanyu ya Yehovha, Mutsrali wa buku ledzri dzra ku xwenga. (2Pe 1:20, 21) Bibele dzri nyikela dumbo dzra leswaku ku ta va ni wutomi lebyinene ka vhanu hinkwavu, hikuva dzri ntshimisisa ku hlawulekisiwa ka wuhosi bya Xikwembu Nkulukumba hi ku tizrisa Mfumu wakwe. Bibele dzri tlhamuxela lizrandzru ledzri Yehovha, Tatana wezru a nga na dzrone hi mun’wana ni mun’wana wezru.​—Ps 86:15.

Mun’wana ni mun’wana wezru a ni xivangelo xa ku zrandzra Bibele. Kambe, xana hi kombisa ku tlangela xihiwa lexi xa ku hlawuleka hi ku dondzra Bibele siku ni siku ni ku hanya hi leswi hi swi dondzraka? Mahanyela yezru ma fanela ku pfumelelana ni mazritu ya mupsalma lama liki: ‘A nawu waku ndzri wu zrandzrisa kuyini!’​—Ps 119:97.

HLALELANI VÍDEO LEDZRI LIKI BIBELE A DZRI NI LISIMA KA VONE​—XITLEPU (WILLIAM TYNDALE), MI GAMA MI HLAMULA SWIVUTISO LESWI LANDZRELAKA:

• 

  Ha yini William Tyndale a ndzrulutele swiyenge swa Bibele?

• Ha yini minzamu yakwe ya ku ndzrulutela Bibele a yi hlamalisa ngopfu?

• Mabibele lawa Tyndale a ma ndzruluteliki ma yisiwe Inglaterra hi ku tumbela hi ndlela yini?

• Hi nga kombisa ku tlangela Zritu dzra Xikwembu Nkulukumba hi ndlela yini?