Ku Kombisa Tinhlankulu

Loko hi li ku hambeni ka timpinda kumbe hi fambisa swidondzro swa Bibele, hi fanela ku pfuna vayingiseti vezru kuva va twisisa tinhla leti khomiki mhaka. Loko hi tizrisa swikombiso akuva hi khanyisa tinhla, hi nga ha khumba timbilu tavu ni ku va pfuna kuva va dzrimuka leswi va swi dondzriki.

Loko u lulamisela ku ya hamba mpinda kumbe ku ya fambisa xidondzro xa Bibele, hlawula tinhlankulu leti u djulaka ku ti tlhamuxela ku nga li wutsrhokotsrhoko lebyi nga vilelekiki. Hamba xikombiso xa ku nabyala u tizrisa mintxhumu leyi vhanu va yi toloveliki. (Mt 5:14-16; Mr 2:21; Lk 14:7-11) Tiyiseka leswaku u tizrisa swikombiso leswi fambisanaka ni xiyimu kumbe mintizro ya siku ni siku ya lweyi u bulaka na yene. (Lk 5:2-11; Yh 4:7-15) Loko u vona wuso byake byi ku dlii hi leswi a twisisiki yinhla, na wene u ta nyonxa.

HLALELANI VÍDEO LEDZRI LIKI TSRHAVISIWA HI KU YENTXA VADONDZRISIWA​—YAMPSWISA WUSWIKOTI BYAKU—​KU KOMBISA TINHLANKULU, MI GAMA MI HLAMULA SWIVUTISO LESWI LANDZRELAKA:

• 

  Ha yini lava hi dondzraka navu Bibele va vilela mpfunu akuva va twisisa tindzrimana ta Bibele?

• 

  Xana Anita a tizrise xikombiso muni akuva a tlhamuxela ntiyiso lowu nga ka Ba-le-Roma 5:12?

• 

  Xana swikombiso leswinene swi nga khumba vayingiseti hi ndlela yini?

• Loko hi li nsin’wini, ha yini hi fanela ku tizrisa ma-vídeo ni mabuku lama nga ka switizro swa ku dondzrisa ha swone leswi humexiwaka hi nhlengeletanu ya Yehovha?