YENGETELA A KU NYONXA KWAKU A NSIN’WINI Ku Kombisa Ntwelawusiwana

Mhunu lwa nga ni ntwelawusiwana awa swi kota ku tibeka a mbangwini wa vambeni. A twisisa mayanakanyela yavu, matitwela ni leswi swi va vilelisaka. Vhanu va hantla va swi xiya loko mumbeni a va twela wusiwana. Lexi nga hi pfunaka ku kombisa ntwelawusiwana i ku yengesela ku navela kwezru ka ku pfuna van’wana. Loko hi kombisa ntwelawusiwana a nsin’wini, hi va na hi yetisela Yehovha lweyi a zrandzraka vhanu ni ku zron’weka ha vone. Xileswo, vhanu lava hi bulaka na vone va nga ha djula ku tsrhindzrekela ka Yehovha.​— Flp 2:4.

Ku kombisa ntwelawusiwana swi sukela mbilwini. Hi nga wu kombisa hi mavulavulela yezru, ndlela leyi hi txhukatxhukisaka ha yone mizri ni hi matitwela yezru. I swa lisima kuva hi zron’weka hi vhanu. Hi xikombiso, hi zama ku twisisa leswi va swi zrandzraka ni leswi va swi kholwaka, kutani hi yentxa leswi hi nga swi kotaka kuva hi va pfuna hi tindlela ta ku hambanahambana. Kambe a hi va sindzrisi kuva va txintxa. Loko hi vona mabindzru ya ku kombisa van’wana ntwelawusiwana, swi nga hi yengesela ku nyonxa a nsin’wini.

HLALELANI VÍDEO LEDZRI LIKI TSRHAVISIWA HI KU YENTXA VADONDZRISIWA​—YAMPSWISA WUSWIKOTI BYAKU—​KU KOMBISA NTWELA-WUSIWANA, MI GAMA MI HLAMULA SWIVUTISO LESWI LANDZRELAKA:

• 

  Xana Anita a wu kombisise kuyini ntwelawusiwana leswi Judite a xweliki ka xidondzro?

• 

  Xana Anita a wu kombisise kuyini ntwelawusiwana loko Judite a hlaye leswaku ku ni leswi mu kazrataka kutani a va nge dondzri?

• 

  Xana Anita a wu kombisise kuyini ntwelawusiwana loko Judite a hlaye leswaku a nga swi koti ku bekisa kaya kwake?