TIHITE A NTIZRWENI WA NSIMU | YENGETELA A KU NYONXA KWAKU A NSIN’WINI

Tizrisa Switizro Swezru Swa Ku Kambisisa Ha Swone

Yehovha a hi nyika switizro swa ku hambanahambana akuva hi va vadondzrisi lavanene. Hi ni ma-vídeo, swipapelana, marevhixta, swibukwana, mabuku ni xitizro xa lisima ngopfu, ku nga Bibele. (2Tm 3:16) Nakone, Yehovha a hi nyike switizro swa ku kambisisa ha swone leswi hi pfunaka kuva hi dondzrisa vambeni. Hi xikombiso, hi ni a Watchtower Library, JW Library^®, a BIBLIOTEKA KA INTERNET ni Nkongomiso Wo Endla Ndzavisiso Wa Timboni ta Yehovha.

Ku nyonxa kwaku ku ta yengeteleka loko u tizrisa switizro leswi akuva u kuma tindzralama ta moya. Nakone u nga dzrivali ku dondzrisa xidondzrana xaku ndlela ya ku tizrisa switizro leswi. Kutani, loko ku humelela xikazratu xa kukazri, xone ha wuswaxone xi ta swi kota ku kuma tinhlamulo. Na xone xi ta kuma ku nyonxa.

HLALELANI VÍDEO LEDZRI LIKI TSRHAVISIWA HI KU YENTXA VADONDZRISIWA—YAMUKELA XIPFUNU LEXI PFAKA KA YEHOVHA—SWITIZRO SWA KU KAMBISISA HA SWONE, MI GAMA MI HLAMULA SWIVUTISO LESWI LANDZRELAKA:

I yini leswi Judite a a swi pimisa hi ntumbuluku?
Xana Anita a wu kume kwini ntlhamuxelo mayelanu ni mhaka leyi?
Ku kuma tindzralama ta moya ni ku bulela vambeni tone swi hi tisela ku nyonxa

Xana Anita a swi kotise kuyini ku hlawula mhaka leyi a yi ta pfuna Judite?
Xana Anita a titwise kuyini ntsrhaku ka loko a tizrise switizro swa ku kambisisa ha swone?