Tizrisa Swiyentxakalu Swa Swoswinyana A Nsin’wini

Loko a ha li lani Misaveni, Yesu a dondzrise hi ku tizrisa mintxhumu leyi a ya ha ku yentxeka. (Lk 13:1-5) Na wene u nga tizrisa swiyentxakalu swa swoswinyana akuva u yentxa vhanu va nyonxela dzrungula dzra Mfumu. Hi xikombiso, u nga ha u vulavula hi ku bindzra ka wutomi, mhangu ya ntumbuluku, xitereka, ku tizrisiwa ka timbangi, kumbe ntxhumu wun’wana, u gama u hamba xivutiso lexi tlhontlhaka miyanakanyu. U nga ha vutisa u ku: “U vona leswaku . . . swi ta hela?” kumbe “U vona leswaku ku nga va ku djuleka yini akuva ku helisiwa . . . ?” Gama u mu komba ndzrimana ya Bibele leyi vulavulaka hi mhaka leyo. Loko a kombisa ku nyonxela, mu kombe vídeo kumbe buku dzrin’we dzri nga ka Switizro Swezru Swa Ku Dondzrisa Ha Swone. A nkama lowu hi tikazratelaka ku khumba timbilu ta vhanu va le ka nsimu yezru, a hi ‘yentxeni leswo hi nkonta ya evhangeli’.—1Ko 9:22, 23.

He yini mintxhumu leyi nga ha nyonxisaka vhanu va le ka nsimu yaku?