DONDZRO 5

Ku Dondzra Ha Hombe

1 Timoteo 4:13

NKATSRAKANYU: Dondzra ha hombe leswi tsraliwiki hi zritu dzra le henhla.

Lulamisela hi ndlela leyinene. Kumisisa leswaku ha yini xiyenge lexo xi tsraliwile. Titolovete ku dondzra ntlawa wa mazritu, ku nga li ha dzrin’we-dzrin’we. Tivonele akuva u nga yengeseli, u tlula kumbe u siva mazritu. Hlonipha mimfungu hinkwayu ya matsralela.

Kombela munghanu waku leswaku a ku yingiseta loko u dondzra a tlhela a ku komba lomu u nga dondzrikiki ha hombe.
Tlhamuxa ha hombe zritu dzrin’wana ni dzrin’wana. Loko u nga swi tivi leswaku zritu dzra kukazri dzri tlhamuxiwa hi ndlela yini, djuletela ka xitlhamuxela-mazritu, yingiseta gravhasawu dzra buku kumbe u kombela lweyi a dondzraka ha hombe akuva a ku pfuna.
Vulavula hi ndlela leyi khanyaka. Hlaya mazritu hi ndlela leyi twalaka, u wololoxa nhamu u tlhela u pfula nomu swi phela. Tikazratele ku tlhamuxa sílaba dzrin’wana ni dzrin’wana.

Dondzra mazritu ma twala ingiki u le ku buleni ka siku ni siku.