DONDZRO 8

Swifaniso Leswi Dondzrisaka

Mattheo 13:34, 35

NKATSRAKANYU: Yentxa leswaku madondzrisela yaku ma va ni ntamu hi ku tizrisa swifaniso leswi nabyalaka ku swi twisisa swi tlhela swi nyonxisa vayingiseti ni ku va dondzrisa tinhla ta lisima.

MAYENTXELA YA KONE:

Hlawula swifaniso leswi nabyaliki. Ku fana na Yesu, tizrisa swifaniso swa ku goma akuva u tlhamuxela mintxhumu ya yikulu, ni mazritu ya ku nabyala akuva u tlhamuxela mintxhumu ya ku kazrataka ku yi twisisa. U nga tsrhokovetele lakakuva xifaniso xa kone xi kazrata ku xi twisisa. Tiyiseka leswaku leswi u swi hlayaka ka xifaniso nakunene swa tizra ka ndondzro leyi u yi dondzrisaka akuva miyanakanyu ya vayingiseti yi nga hangalaki hi ku djula ku vona leswaku swi yelanisa kuyini.

Xiyisisa mintxhumu leyi yentxekaka. Languta leswi nga matlhelweni yaku, dondzra mabuku ya wukriste u tlhela u yingiseta vadondzrisi lava wupfiki. Hi nkama wun’we, xiyisisa swifaniso leswi u nga swi tizrisaka akuva u yentxa leswaku madondzrisela yaku ma va ni ntamu. Tsraletela swifaniso leswi u va u swi bekisa.
Yanakanya hi vayingiseti vaku. Hlawula swifaniso leswi vulavulaka hi mintxhumu leyi vayingiseti va yi toloveliki ni leyi yi va zron’waka. Tivonele akuva swifaniso swaku swi nga va danisi kumbe swi nga va khunguvanyisi.
Dondzrisa yinhla ya lisima. Khanyisa tinhla ta lisima a matsrhan’wini ya ku tsrhokovetela leswi nga djulekikiki. Tiyiseka leswaku vayingiseti vaku a va nge ti dzrimuka xifaniso ntsena kambe va ta dzrimuka ni leswi xi va dondzrisaka swone.