DONDZRO 12

Xinghanu Ni Ku Twela Vayingiseti

1 Thes. 2:7, 8

NKATSRAKANYU: Vulavula na swi huma mbilwini, u komba vayingiseti vaku leswaku wa va twela.

Pimisa hi vayingiseti vaku. Lulamisela mbilu yaku hi ku tidzrimuxa leswaku va kumana ni swizralanganya swini. Dzringisa ku vona hi miyanakanyu ndlela leyi va titwaka ha yone.
Hlawula mazritu yaku ha hombe. Lwela ku tlema vayingiseti vaku timbilu, u va txhavelela, u va nyika ntamu. U nga tizrise mazritu lama nga va khunguvanyisaka na swi nga faneli, nakone u nga khanele hi ndlela leyi poyilaka lava nga pfumelikiki kumbe leyi sandzraka leswi va swi kholwaka hi ku kala wutivi.
Kombisa leswaku wa va twela. Hi khanelela ledzrinene ni swikombiso leswinene swa mizri, komba vayingiseti vaku leswaku wa va twela hakunene. Vona leswaku loko u khanela wuso byaku byi li yini; tolovela ku n’wayitela.

U nga sindzrise kumbe u tlulisa mpimu loko u kombisa matitwela. Nkama u dondzraka, humexa matitwela lama kombisiwiki ka ndzrimana, kambe u nga yentxe vayingiseti va talela ka wene. Loko u kandzretela ngopfu ka makonsowanti, makhanelela yaku ma nga ha pswhama, ma tsremekela. Xileswo, lehisa mavhogali akuva mpfumawulu wa zritu dzraku wu nandzrika.