Ndlela Ya Ku Dondzra

Tiva “Tinsimu Ta Mfumu” Hi Nhloko

“Ka masiku lawa ni titwaka ingiki ni kwatile ni tlhela ni godola, ni vona leswaku Yehovha awa ni nyonxisa hi ku tizrisa wunanga bya Wuhaxi bya JW ^®.”—Lorraine wa Estados Unidos.

Ku sukela khale Vakriste va tizrisa wunanga akuva va gandzrela Yehovha. (Kol. 3:16) Loko u kota ku yimbelela tinsimu leti hi nhloko na u nge na buku dzra tinsimu, kumbe na u nga landzriseli mbangu, swi ta ku pfuna ngopfu. Vona tindlela leti nga ku pfunaka kuva u kota ku yimbelela na u nga landzriseli mbangu.

• Dondzra mazritu ha hombe akuva u twisisa ntlhamuxelo wa kone. Swi nabyalile akuva u dzrimuka ndzrungula dzra kukazri loko u dzri twisise ha hombe. Mazritu ya wunanga hinkwabyu, lebyi humexiwaka ka Wuhaxi bya JW ni bya vatsrongwana, bya kumeka ka jw.org. Nghena ka Bibliyoteka u gama u ya ka Tinsimu.

• Tsrala mazritu ya wunanga hi voko. Leswo swi ta ku pfuna kuva mazritu ya lisimu dzroledzro ma tsrhama miyanakanywini yaku.—Deut. 17:18.

• Titoloveti ku yimbelela hi zritu dzra le henhla. Dondzra ni ku yimbelela wunanga hi makhambi manyingi.

• Kambela wuswikoti byaku bya ku dzrimuka. Dzringisa ku yimbelela na u nga lavisanga mbangu u gama u vona lomu u phazamiki kone.