He Wini Nkongometo Wa Xikwembu Nkulukumba Ha Hine?

Bibele dzra pfumela leswaku a wutomi bya vhanu ‘i byitsrongo nakone byi tali hi makhombo’. (Yob 14:1) Xana hi byolebyi wutomi lebyi Xikwembu Nkulukumba a hi navelelaka byone? Loko a nga li byone, xana a hi hambeli yini? Xana leswi a swi djulaka swi ta yentxeka? Vona tinhlamulo leti txhavelelanaka ta Bibele.

1. Xana Yehovha a djula leswaku wutomi byezru byi va hi ndlela yini?

Yehovha a djula leswaku hi va ni wutomi bya ku yampswa hi lani swi nga kotekaka ha kone. Loko a hambe vhanu va ku sungula, Adamu na Evha, a va beke ka paradeyisi dzra ku xonga, a xizrambeni xa Edeni. Kutani ‘Xikwembu Nkulukumba a va tovokisa, Xikwembu Nkulukumba a ku ku vone: Belekanani n’wi yandzra, n’wi tata misava n’wi mi hlula’. (Genesis 1:28) Yehovha a a djula leswaku Adamu na Evha va va ni vana, va ndzruluta misava hinkwayu yi va paradeyisi va tlhela va hlayisa swihazri. Nkongometo wake a ku li leswaku vhanu hinkwavu va tikholisa hi wutomi hi lani ku nga helikiki.

Nambi leswi mintxhumu yi kalaka yi nga vanga hi ndlela leyi Xikwembu Nkulukumba a a yi djulisa xiswone,a nkongometo wake a wu si na txintxa. (Ezaya 46:10, 11) A ha djula leswaku vhanu lava mu yingisetaka va va ni wutomi lebyi hetisekiki na va nga kiyeleliwi hi ntxhumu.—Dondzra Apfuletelo 21:3, 4.

2. Hi nga va ni wutomi bya ku nyonxisa swoswi hi ndlela yini?

Yehovha a hi hambe na hi ni ku navela ka ku va ni wuxaka na yene ni ku mu gandzrela. (Dondzra Matewu 5:3-6.) A djula leswaku hi va ni wunghanu bya le kusuhi na yene, hi ‘famba tindleleni takwe hinkwatu, ni ku mu zrandzra’, ni ku mu tizrela hi ‘timbilu tezru hinkwatu’. (Deuteronoma 10:12; Amapsalma 25:14) Loko hi yentxa leswo, hi ta va ni ku nyonxa ka ntiyiso nambiloko hi kumana ni swikazratu. Ku gandzrela Yehovha swi yentxa wutomi byezru byi va ni nkongometo hikusa hi va na hi hanya hi ndlela leyi a yi djulaka.

3. Yehovha a djula leswaku vhanu va tikholisa hi wutomi

Vonani VHIDIYU, mi gama mi bulisana hi swivutiso leswi landzrelaka.

VHIDIYU: Xikwembu Nkulukumba A Yi Hambele Yini Misava?—Xitlephu (1:41)

• Ha yini Xikwembu Nkulukumba a hi hambele misava leyi ya ku xonga?

Dondzrani Eklesiasta 3:11, mi gama mi bulisana hi xivutiso lexi landzrelaka:

• Xana leswi swi ku dondzrisa yini ha Yehovha?

4. Leswi Yehovha a hi navelelaka swone a swi si na txintxa

Dondzrani Amapsalma 37:11, 29 ni Ezaya 55:11, mi gama mi bulisana hi xivutiso lexi landzrelaka:

• Hi swi tivisa kuyini leswaku leswi Yehovha a hi navelelaka swone a swi si na txintxa?

5. Ku gandzrela Yehovha swi hi yentxa hi tiva leswaku hi hanyela yini

VHIDIYU: Ni Twisise Leswaku Wutomi Byi Ni Nkongometo (5:03)

• Xana Terumi a pfunekise kuyini hi ku dondzra hi nkongometo wa wutomi?

Dondzrani Eklesiasta 12:13, mi gama mi bulisana hi swivutiso leswi landzrelaka:

• Leswi Yehovha a hi yentxeliki mintxhumu yinyingi, hi nga kombisa hi ndlela yini leswaku ha mu tlangela?

NKATSRAKANYU

Yehovha a djula leswaku hi tikholisa hi wutomi hi lani ku nga helikiki kola a misaveni na hi nga vilelisiwi ha ntxhumu. Loko hi gandzrela Yehovha hi mbilu hinkwayu, wutomi byezru byi ta va ni nkongometo wa hakakunene, nambi swoswi.

Mpfuxeto

• I yini leswi Yehovha a a swi navelela Adamu na Evha?

• Hi swi tivisa kuyini leswaku leswi Xikwembu Nkulukumba a swi navelelaka vhanu a swi txintxanga?

• Xana wutomi byaku byi nga va ni nkongometo wa ntiyiso hi ndlela yini?

HANDZRISISA

Vona leswi hi kholwisaka leswaku xizramba xa Edeni xi ve kone hakakunene.

“Xana Xizramba Xa Edeni Xi Ve Kone Hakakunene?” (Xihondzro Xa Ku Zrindzra, 1 ka Janeru wa 2011)

Dondzra hi leswi hi tiyisekisaka leswaku misava yi ta tsrhama hi lani ku nga helikiki.

“Xana Misava Yi Ta Helisiwa?” (Leswi kumekaka ka jw.org)

Kambisisa leswi Bibele dzri swi hlayaka mayelanu ni leswaku hi hanyela yini.

“He Wini Nkongometo Wa Wutomi?” (Leswi kumekaka ka jw.org)

Vona ndlela leyi wanuna lweyi a a pimisa leswaku a a ni hinkwaswu a wuton’wini, a gunguliki ha yone leswaku a ku ni leswi a swi mu kiyelela.

Swoswi Wutomi Byanga Byi Ni Nkongometo (3:55)