Ndlela Ya Ku Dzrimuka Matsralwa

Xana minkama yin’wana swa ku kazratela ku dzrimuka ndzrimana ya Bibele leyi u yi zrandzraka? A nga ha va ndzrimana leyi ku txhavelelaka, leyi ku pfunaka ku lwisana ni mimpimiso leyi bihiki kumbe leyi u djulaka ku yi komba van’wana. (Amaps. 119:11, 111) Vona swidzringanyeto leswi landzrelaka leswi nga ku pfunaka ku dzrimuka matsralwa.

• Ka aplikativhu dzra JW Library^® tizrisa mbangu lowu ku tsraliwiki leswaku adicionar nota. Ka mbangu lowu ku tsraliwiki leswaku adicionar etiqueta, u nga tsrala leswaku “Tindzrimana Ta Bibele Leti Ni Ti Zrandzraka Ngopfu Swinene” nakone ka mbangu lowo tsrala tindzrimana akuva u ti dzrimuka.

• Beka ndzrimana ya Bibele lomu swi nga ku nabyalelaka ku yi vona. Tsrala ndzrimana ya Bibele leyi u djulaka ku yi dzrimuka ka xipapelana u tlhela u xi beka ka mbangu lowu u taka xi vona minkama yinyingi. Van’wana va xi lema kusuhi ni xipelhu; van’wana va xi lema ka xipfalu xa jilera, kasi van’wana va susa mufoto wa tsralwa akuva va wu tizrisa swanga mufoto lowu u wu kumaka loko u pfula telefoni kumbe komputadori.

• Tsrala tindzrimana ka swipapelana leswi taka ku pfuna ku dzrimuka tindzrimana. Ka tlhelo dzrin’we dzra xipapelana tsrala buku dzra Bibele, ndzrima ni ndzrimana ya kone kasi ka tlhelo dzrimbeni tsrala mazritu ya ndzrimana. Hi ku landzrela, zama ku hlaya mazritu ya ndzrimana kumbe u dzrimuka lani mazritu lawa ma tsraliwiki kone na u nga zanga u lavisa ka tlhelo dzrin’wana dzra xipapelana lani ku tsraliwiki ndzrimana ya Bibele.