29 Ibi ni vyo uzogira kugira ubeze bambere abaherezi: uzotora ishuri, impfizi zibiri z’intama zitagira akanenge+, 2 umukate utarimwo umwambiro, imikate y’umuzingi itarimwo umwambiro icumbanywe amavuta be n’udukate dufyase tutarimwo umwambiro dusizeko amavuta+. Uzobikora mw’ifu y’ingano inoze. 3 Uzobishira mu giseke hanyuma ubizane imbere yanje+, biri kumwe na ya shuri na za mpfizi z’intama zibiri.

14 Iri na ryo ni itegeko rigenga ishikanwa ry’intete+: abahungu ba Aroni ni bo bazorizana ku gicaniro imbere ya Yehova. 15 Umwe muri bo azotora kuri ryo urushi rw’ifu inoze ivanze n’amavuta hamwe n’imibavu* yose iri kuri ryo. Azoca abiturira bifumbe umwotsi ku gicaniro, bibe ikimenyetso* c’iryo shikanwa ryose. Ni ishikanwa ry’akamoto kamotera neza* Yehova+.

13 Ishikanwa ryiwe ryari rigizwe n’ibi: isahani y’ifeza ipima shekeli* 130 n’ibakure y’ifeza ipima shekeli 70 hisunzwe shekeli y’akarorero y’aheranda*+, vyose vyuzuye ifu inoze ivanze n’amavuta y’ishikanwa ry’intete+;