Gusubira mu vyagezwe
32 «Tega ugutwi wa juru we nanje mvuge,
isi na yo niyumvirize amajambo ava mu kanwa kanje.
2 Inyigisho yanje izotonyanga nk’imvura,
amajambo yanje azotemba nk’urume,
nk’akavura kanyanyaga ku bwatsi,
nk’imvura icuncubukira ku biterwa.
3 Ngira ntangaze izina rya Yehova+.
Nimuvuge ibijanye n’ubukuru bw’Imana yacu+!
Si abana bayo, ikosa ni rwabo+.
Ni urunganwe* ruhetamye kandi rugoramye+!
Mbega si we So wanyu yabahaye ubuzima+?
Si we yabaremye kandi akabagira ihanga rikomeye?
7 Nimwibuke imisi ya kera,
mwiyumvire ivyabaye mu myaka yaheze.
Nimubaze ba so, na bo bazobibabwira+,
mubaze abatama, na bo bazobibamenyesha.
8 Igihe Musumbavyose yaha amahanga intoranwa yayo+,
igihe yatandukanya bene Adamu*+,
yarashingiye imbibe imigwi y’abantu+
afatiye ku gitigiri ca bene Isirayeli+.
11 Nka kurya inkona inyiganza icari cayo,
ikārāra hejuru y’ibiswi vyayo,
igasanza amababa yayo ikabitora,
maze ikabitwara hejuru y’amababa yayo+,
12 ni ko Yehova ubwiwe yagumye amuyobora*+,
kandi nta mana y’inyamahanga yari kumwe na we+.
Yamugaburiye ubuki bwo mu rutare
hamwe n’amavuta avuye mu gitandara c’isare,
14 amavuta y’inka n’amata y’impene n’intama,
hamwe n’intama nzizanziza*,
impfizi z’intama z’i Bashani n’amasuguru y’impene,
hamwe n’ingano nzizanziza+.
Yinywera umuvinyu uvuye mu mutobe* w’inzabibu.
15 Aho Yeshuruni* avyibuhiye, yaciye atera imigere, aragarariza.
(Waravyibushe, uradoha, usigara ungana isi+.)
Yaciye aheba Imana yamuremye+,
asuzugura Igitandara c’ubukiriro bwiwe.
17 Ibimazi vyabo babishikaniye amadayimoni, ntibabishikaniye Imana+,
babishikaniye imana batigeze bamenya,
imana nshasha zadutse vuba,
imana ba sokuruza banyu batigeze bamenya.
Nanje rero nzobatera inzigo nkoresheje ihanga ata co rimaze+,
nzobashavuza nkoresheje ihanga ry’imburabwenge+.
22 Kuko ishavu ryanje ryadometse umuriro+.
Uzokwaka gushika ibwina mu kuzimu+,
uzorigata isi n’umwimbu wayo wose,
uyigize imishinge y’imisozi.
23 Nzokwongereza ivyago vyabo,
nzobamarirako imyampi yanje.
25 Abari hanze bazohekurwa n’inkota+,
abari mu nzu na bo batekerwe n’ubwoba+.
Ukwo ni ko bizomera ku musore n’inkumi,
ku mwana no ku mutama w’imvi+.
26 Mba naravuze nti: ‘Nzobashwiragiza,
nzobazimanganya ntibasubire kwibukwa’,
bakavuga ngo: ‘Inguvu zacu ni zo zatumye dutsinda+,
si Yehova yabikoze.’
29 Iyo baba bafise ubwenge*+, bari kubizirikana+.
Bari kwiyumvira iherezo ryabo+.
Kiretse Igitandara cabo cabagurishije+,
kiretse Yehova yabatanze.
33 Umuvinyu wabo ni ubumara bw’inzoka,
ubumara bw’incira bwica cane.
35 Uguhōra n’uguhana ni ivyanje+.
Igihe nicagera, ukuguru kwabo kuzonyerera+,
kuko umusi w’ivyago vyabo uri hafi,
kandi ibibarindiriye ntibizoteba.”
36 Yehova azocira urubanza abantu biwe+,
kandi azokwumvira impuhwe abasavyi biwe+,
niyabona utuguvu twabo twagabanutse,
hasigaye abatagira gitabara n’abatagira udutege.
37 Azoheza avuge ati: “Za mana zabo ziri hehe+,
ca gitandara barondereramwo ubuhungiro,
38 zimwe zahora zirya ibinure vy’ibimazi vyabo*,
zikanywa umuvinyu w’amashikanwa yabo y’ibinyobwa+?
Nizihaguruke zibatabare.
Nizibabere ubuhungiro.
Ndica nkongera ngakiza+.
41 ninakarisha inkota yanje ica ibibatsi,
ukuboko kwanje kukitegurira gushitsa imanza+,
nzokwihora abansi banje+,
nsubirize mu nkoko abanyanka.
42 Imyampi yanje nzoyiboreza amaraso,
amaraso y’abishwe n’ay’abagizwe imbohe.
Inkota yanje izorya inyama,
izorya imitwe y’indongozi z’abansi.”
43 Nezerwa mwa mahanga hamwe n’abantu biwe+,
kuko azohora amaraso y’abasavyi biwe+,
azokwihora abansi biwe+,
kandi azotyorora* igihugu c’abantu biwe.»
44 Musa aca araza, asubiramwo amajambo yose y’iyo ndirimbo abantu bose bumva+, ari kumwe na Hosheya*+ mwene Nuni. 45 Musa arangije kubwira ayo majambo Abisirayeli bose, 46 ababwira ati: «Nimushire ku mutima amajambo yose yo kubaburira ndababwiye uyu musi+, kugira muze mwigishe abana banyu kwubahiriza ayo mategeko yose+. 47 Ntimwibaze ko ayo majambo ata co amaze kuri mwebwe, kuko ari yo buzima bwanyu+ kandi ni yo azotuma murambira mu gihugu mugiye kwigarurira nimwajabuka uruzi Yorodani.»
48 Kuri uyo musi nyene Yehova abarira Musa ati: 49 «Duga kuri uyu musozi Nebo+, uri mu karere ka Abarimu+ mu gihugu ca Mowabu, aharabana n’i Yeriko maze urabe igihugu ca Kanani ngira mpe Abisirayeli+. 50 Uzoca upfira ng’aho kuri uwo musozi, uhamvye ab’iwanyu* nk’uko Aroni mwenewanyu yapfiriye ku musozi Hori+, agahamvya ab’iwabo. 51 Kuko mwampemukiye imbere y’Abisirayeli kuri ya mazi y’i Meriba+ h’i Kadeshi, mu bugaragwa bwa Zini. Ntimwerekanye ko ndi mweranda imbere y’Abisirayeli+. 52 Uzobona ico gihugu uri kure, ariko ntuzokwinjira muri ico gihugu ngira mpe Abisirayeli+.»