Zaburi

 3 Nimumenyekanishe ubuninahazwa bwiwe mu mahanga,

mumenyekanishe ibikorwa vyiwe bitangaje mu makungu yose+.

 5 Imana zose z’amahanga ni imana ata co zimaze+,

mugabo Yehova ni we yaremye* ijuru+.

 6 Icubahiro* n’ubwiza buhebuje biri imbere yiwe+.

Inkomezi n’ubwiza bibarizwa ahantu heranda aba+.

 7 Yemwe miryango y’amahanga, nimuhe Yehova ivyo akwiriye.

Nimuhe Yehova ivyo akwiriye kubera ubuninahazwa bwiwe n’inkomezi ziwe+.

 8 Nimuhe Yehova ubuninahazwa bubereye izina ryiwe+.

Nimurenguke mu bigo vyiwe muzanye ingabire.

 9 Nimwunamire* Yehova mwambaye ivyambarwa vyeranda*.

Nimujugumire imbere yiwe, yemwe abo kw’isi mwese!

11 Ijuru nirihimbarwe, isi na yo inezerwe.

Ikiyaga n’ibicuzuye vyose nibituragare+.

12 Imirima n’ibiyirimwo vyose nibinezerwe+.

Ibiti vyo mw’ishamba vyose na vyo nyene nibivuze impundu+

13 imbere ya Yehova, kuko agira aze*.

Agira aze gucira urubanza isi.

Azocira urubanza isi mu bugororotsi+,

acire urubanza abantu mu bwizigirwa+.