Zaburi

Nimutege ugutwi mwese ababa kw’isi,

 2 mwese abato n’abahambaye,

abatunzi hamwe n’abakene.

 3 Akanwa kanje kazovuga ivy’ubwenge*,

umutima wanje uzirikane+ ibintu birimwo ugutegera.

 4 Nzotega ugutwi umugani,

ubupfindo bwanje ndabusigurire ku nanga.

 5 Kubera iki notinya mu gihe c’ivyago+,

igihe ababisha bankikuje bashaka kungirira nabi?

 6 Abizigira ubutunzi bwabo+,

bakaguma birata kubera itunga ryabo ryinshi+,

 7 nta n’umwe muri bo ashobora gucungura mwenewabo,

canke ngo amutangire incungu ku Mana+,

 8 (incungu y’ubuzima bwabo irazimvye cane

ku buryo batopfa bayironse,)

 9 kugira abeho ibihe bidahera, ntamanuke mu cobo*+.

10 Kuko babona ko n’abantu b’inkerebutsi bapfa.

Igipfu n’imburabwenge bose barapfa+,

bagasigira abandi ubutunzi bwabo+.

11 Icipfuzo cabo ni uko amazu yabo yokwamaho ibihe vyose,

amahema yabo akamaho uko urunganwe rugenda rurakurikirana.

12 Ariko umuntu, naho yoba afise icubahiro, ntazokwamaho+.

Nta co asumbije ibikoko, apfa nk’uko na vyo nyene bipfa+.

13 Iryo ni ryo herezo ry’abantu b’imburabwenge+

hamwe n’ababakurikira, bagahimbarwa n’amajambo yabo ata co amaze. (Sela*)

Urupfu ruzobaragira nka kurya kw’umwungere.

Umugororotsi azobaganza+ mu gitondo.

Ibisigarira vyabo vyose bizozimangana+,

kandi bazoba mu mva+, aho kuba mu mazu yabo mezameza.

15 Ariko Imana izonkura mu vyara* vy’ukuzimu+,

kuko izomfata ikangumya. (Sela)

16 Ntutinye ngo ni uko umuntu abaye umutunzi,

canke ngo ni uko icubahiro c’inzu yiwe congerekanye,

17 kuko iyo apfuye ata na kimwe atwara+,

kandi n’icubahiro ciwe ntikijana na we+.

20 Umuntu adatahura ivyo, naho yoba afise icubahiro+,

nta co asumbije ibikoko, apfa nk’uko na vyo nyene bipfa.