Ururirimbo rwa 77

‘Yehova ni we mwungere wanje’

(Zaburi 23)

1. Notiny’iki ko Yehova

Ari we andagira?

Ko we yitah’intama ziwe,

Nta n’imwe yibagira.

Anjana kuri ya mazi,

Ya yandi adasuma.

Aranyobor’akanduhura,

Nzoguma ndamushima.

Aranyobor’akanduhura,

Nzoguma ndamushima.

2. Naho hoba hatabona

Ndagenda, sinikanga.

Umwungere wanj’amba hafi,

Angarura ningoga.

Ku mutw’ansig’amavuta,

’Gikomb’akansukira.

Ubuntu bwiwe ntibumpeba

Mu ngor’iwe nzibera.

Ubuntu bwiwe ntibumpeba

Mu ngor’iwe nzibera.

3. Mwungere wanj’arankunda;

Nzokwama ndamuyaga.

Ingen’arind’abantu biwe,

Ni ’nkuru je nzovuga.

Ijambo ryiwe ndumvira,

Nca mu nzira yampaye.

Nzomukorera nkenguruka,

Ko yabinyemereye.

Nzomukorera nkenguruka,

Ko yabinyemereye.