Ururirimbo rwa 223

Intahemuka zawe bazogushima

(Zaburi 145:10)

1. ’Ntahemuka zawe Mana,

Ni we bazoshima.

Bazovug’ivyo wakoze

K’ur’Imana nzima.

Kuber’uhambaye,

Ni wewe twoshemeza.

Kuko wiyumvira

Ugakor’ibitangaza.

’Ntahemuka zawe biha

Akamo k’urweze.

Barondera kumenyesha

Ivyo we wakoze.

2. Imana yatoy’abayo

Bo kuyivugira.

Mu nzira zayo honyene

Ni ho bagendera.

Bagiz’umushumba

Yitah’“izindi ntama”.

Yezu we Mwungere

Abajana mu buzima.

’Ntahemuka zawe Mana

Reka baguhaye.

Baravuga n’akamwemwe

Yuko uhambaye.

3. Yehova ameze neza

Koko kuri bose.

Yaratanze Yezu Kristu

Ngo dukizwe twese.

We ntakaz’ishavu;

Abiwe barabizi.

Turakenguruka

Kw’azobana n’abakunzi.

Atuvyur’iyo tuguye

Nta co twe dukena.

Turamushima bukira;

Arababarana.