Ururirimbo 60
Yehova azogukomeza
Integuro icapuwe
1. Yehova yabonye Ko war’ushashaye
Kumuronder’ugakor’iciza.
Maze na we aca akurons’ukuri
Uza mu muco, uva mu mwiza.
Wamubwiye yuk’uzomwumvira,
Kand’azogufasha kubigira.
(ICITABIRIZO)
Waguzwe ya maraso; Wegukir’Imana.
Izogukomeza, Kand’uzoshikama.
Izokuyobor’ikwerek’inzir’irama.
Izogukomeza, Kand’uzoshikama.
2. Yaratanze Yezu Kuko yagukunze.
Ashaka rero uroranirwe.
Kw’atimanye none uwo yikundira,
Azoguha inguvu ushirwe.
Ntazibagir’ukwizera kwawe.
Azokwitaho, kukw’ari Dawe.
(ICITABIRIZO)
Waguzwe ya maraso; Wegukir’Imana.
Izogukomeza, Kand’uzoshikama.
Izokuyobor’ikwerek’inzir’irama.
Izogukomeza, Kand’uzoshikama.
(Raba kandi Rom. 8:32; 14:8, 9; Heb. 6:10; 1 Pet. 2:9.)