Gukora ku mutima abakwumviriza

Imigani 3:1

INCAMAKE: Nufashe abakwumviriza kubona akamaro k’ivyo uriko urabigisha no kubona ingene bobishira mu ngiro.

UKO WOBIGIRA:

• Nufashe abakwumviriza kwisuzuma. Nubabaze utubazo two kuzirikana dutuma bisuzuma.

• Niwerekane ko ubizigira. Nuhimirize abakwumviriza gusuzuma igituma bakora ivyiza. Nubafashe gukora ivyiza babitumwe n’imvo nziza kuruta izindi, ni ukuvuga urukundo bakunda Yehova n’abantu nka bo be n’urwo bakunda inyigisho zo muri Bibiliya. Nubafashe kuzirikana; ntubashire hasi canke ngo ubahambarire. Aho gutuma basigara bariyagiriza, nutume bataha bumva ko baremeshejwe be n’uko biyemeje gukora uko bashoboye kwose.

• Nukomeze urukundo bakunda Yehova. Niwerekane ukuntu inyigisho n’ingingo ngenderwako zo muri Bibiliya hamwe n’amategeko ari muri yo bishira ahabona kamere za Yehova n’urukundo adufitiye. Nubaremeshe kwitwararika ukuntu Yehova yiyumva. Ivyo bizotuma birinda kumubabaza.