Urashobora kwironkera imihezagiro yamaho iva ku Mana y’urukundo

• Woba ushashaye kuba mw’isi itagiramwo intambara, ubugizi bwa nabi n’ukutumvikana?

• Woba wipfuza kubona indwara, imibabaro n’urupfu bitakiriho?

• Woba ushashaye kubaho utagira ubwoba canke amaganya?

• Woba wipfuza kuba ahantu hadaterwa n’ivyago vy’ivyaduka?

Umuremyi wacu adukunda, Uwaremye iyi si yacu y’akaroruhore, asezeranira abantu kuzobaho ibihe bidahera mu mahoro kandi bahimbawe. Izo si indoto.

Mu biganiro bikurikira, turakwinginze uze kuraba ibi bintu:

• Ingene Umuremyi wacu abona abantu

• Ivyo Ijambo ry’Imana riduhishurira

• Ivyo intumwa z’Imana zavuze ku bijanye n’imihezagiro Imana yasezeraniye abantu

• Ico twokora kugira twironkere agahimbare ubu kandi tuzokwironkere imihezagiro y’ibihe bidahera igihe Imana yashinze nicagera

Nimuze duhere ku kurimbura ingene Umuremyi wacu yitwararikana urukundo abantu yaremye.