Ururirimbo rwa 206

“Munezererwe kwizigira ibizoba”

(Abaroma 12:12)

1. Imana twoyishimira;

Yaduhay’ukwizigira

Kuzotugumya nk’inănga;

Twizere tutanyiganga.

Vyongey’ico cizigiro

Kiturinda nk’inkofero,

Shetani tukamwirinda

Iciza tukagikunda.

2. Es’ingene bihimbaye

Kwizigira kw’abapfuye

Bazozuka bagafasha,

Is’igahinduka nshasha!

Maze mu bihe vyamaho

Bose bazobonerwaho

Ku vy’Iman’itunganije;

Izob’ibashimishije.

3. Kugira ngo dukomeze

Nya cizigiro, nimuze

Turind’umutima, twige

Rya Jambo kandi dusenge.

Dufashe n’abandi kuko

Ata wocigungirako.

Tubatumire nyabuna

Biture Yehov’Imana.