2 Koko rero, ubugingo bwanjye bufitiye Imana inyota,+ bufitiye Imana nzima+ inyota.

Nzaza ryari ngo mboneke imbere y’Imana?+

 3 Amarira yanjye ni yo yabaye ibyokurya byanjye ku manywa na nijoro.+

Umunsi wose baba bambaza bati “Imana yawe iri he?”+

 4 Ibi nzajya mbyibuka maze ubugingo bwanjye bushegeshwe n’ibyiyumvo biniganiramo.+

Najyaga njyana n’imbaga y’abantu,

Nkagenda buhoro buhoro mbarangaje imbere, tukajya mu nzu y’Imana+

Turangurura ijwi ry’ibyishimo no gushimira Imana,+

Ijwi ry’imbaga y’abantu bari mu birori.+

 5 Bugingo bwanjye, ni iki gitumye wiheba,+

Kandi ni iki gitumye umbuza amahwemo?+

Tegereza Imana.+

Nzongera nyisingize kuko ari yo impa agakiza gakomeye.+

 6 Mana yanjye, ubugingo bwanjye burihebye.+

Ni yo mpamvu nkwibuka,+

Ndi mu gihugu cya Yorodani no mu mpinga za Herumoni,+

Nkakwibuka ndi kuri wa musozi muto.+

 7 Imuhengeri hahamagara imuhengeri handi

Iyo humvise amazi yawe adudubiza.

Imivumba yawe n’imiraba yawe yose+

Yarandengeye.+

 8 Ku manywa Yehova azategeka ineza ye yuje urukundo inzeho,+

Kandi nijoro nzaririmba indirimbo ye;+

Nzasenga Imana y’ubuzima bwanjye.+

 9 Nzabwira Imana yo gitare cyanjye+ nti

“Kuki wanyibagiwe?+

Kuki ngenda mbabaye bitewe n’umwanzi unkandamiza?”+

10 Abandwanya barantutse cyane+ ku buryo numva amagufwa yanjye ameze nk’ajanjaguritse.

Umunsi wose baba bambaza bati “Imana yawe iri he?”+

11 Bugingo bwanjye, ni iki gitumye wiheba,+

Kandi ni iki gitumye umbuza amahwemo?+

Tegereza Imana.+

Nzongera nyisingize kuko ari Imana yanjye impa agakiza gakomeye.+

 2 Wirukanye amahanga+ uyirukanishije ukuboko kwawe,

Maze aho yari atuye uhatuza ubwoko bwawe.+

Wamenaguye amahanga urayirukana.+

 3 Kuko inkota yabo atari yo yatumye bigarurira igihugu,+

Kandi ukuboko kwabo si ko kwabahesheje agakiza.+

Ahubwo bagaheshejwe n’ukuboko kwawe kw’iburyo+ hamwe n’imbaraga zawe n’urumuri rwo mu maso hawe,

Kuko wabishimiye.+

 4 Mana, ni wowe Mwami wanjye.+

Utegeke ko Yakobo abona agakiza gakomeye.+

 5 Nudufasha tuzirukana abanzi bacu;+

Abahagurukira kuturwanya tuzabanyukanyuka mu izina ryawe.+

 6 Kuko ntiringiye umuheto wanjye,+

Kandi inkota yanjye si yo yankijije.+

 7 Wadukijije abanzi bacu,+

Ukoza isoni abatwanga urunuka.+

 8 Tuzasingiza Imana umunsi wose,+

Kandi tuzasingiza izina ryawe iteka ryose.+ Sela.

 9 Ariko noneho waradutaye ukomeza kudukoza isoni;+

Nta n’ubwo ugitabarana n’ingabo zacu.+

10 Ukomeza gutuma dusubira inyuma tugahunga umwanzi,+

N’abatwanga urunuka barasahuye barijyanira.+

11 Wadutanze nk’intama, tumera nk’ibyokurya,+

Wadutatanyirije mu mahanga.+

12 Wagurishije ubwoko bwawe ku giciro gito cyane,+

Kandi ikiguzi cyabwo nta cyo cyakunguye.

13 Watumye tuba igitutsi mu baturanyi bacu,+

Abadukikije bose baratunnyega bakadukoba.+

14 Watugize iciro ry’imigani mu mahanga,+

Amahanga yose atuzunguriza umutwe.+

15 Nkozwa isoni umunsi wose;

Ikimwaro gitwikiriye mu maso hanjye,+

16 Bitewe n’ijwi ry’untuka n’umvuga nabi,

Bitewe n’umwanzi hamwe n’uwihorera.+

17 Ibyo byose byatugezeho ariko ntitwakwibagiwe,+

Kandi ntitwishe isezerano ryawe.+

18 Umutima wacu ntiwasubiye inyuma ngo tube abahemu,+

Kandi intambwe zacu ntizateshutse inzira yawe.+

19 Watujanjaguriye mu ikutiro ry’ingunzu,+

Udutwikiriza umwijima w’icuraburindi.+

20 Iyo twibagirwa izina ry’Imana yacu,

Cyangwa tugategera ibiganza imana y’inzaduka,+

21 Imana ubwayo ntiba yarabigenzuye?+

Kuko imenya amabanga y’umutima.+

22 Ariko turicwa umunsi ukira ari wowe tuzira,

Twagizwe nk’intama zigenewe kubagwa.+

23 Yehova, haguruka. Kuki ukomeza kwiryamira?+

Kanguka. Ntudute ubuziraherezo.+

24 Kuki ukomeza guhisha mu maso hawe?

Kuki wibagirwa imibabaro yacu n’akarengane kacu?+

25 Dore twarunamye tugera mu mukungugu;+

Inda yacu yafatanye n’ubutaka.

26 Haguruka udutabare,+

Kandi uducungure ku bw’ineza yawe yuje urukundo.+

 2 Mwa bana b’abantu mwese mwe,

Abakire n’abakene mwese hamwe.+

 3 Akanwa kanjye karavuga amagambo y’ubwenge,+

Kandi ibyo umutima wanjye utekereza ni ibintu by’ubuhanga.+

 4 Nzategurira ugutwi kwanjye kumva imigani;+

Nzica igisakuzo cyanjye ncuranga inanga.+

 5 Kuki nagira ubwoba ngeze mu minsi mibi,+

Mu gihe ngoswe n’icyaha cy’abashaka kungusha?+

 6 Abiringira ibyo batunze+

Bagakomeza kwiratana ubutunzi bwabo bwinshi,+

 7 Nta n’umwe muri bo ushobora gucungura umuvandimwe,+

Cyangwa ngo ahe Imana incungu ye;

 8 (Ikiguzi cy’incungu y’ubugingo bw’umuntu ni icy’agaciro kenshi cyane,+

Ku buryo kitatanzwe kugeza ibihe bitarondoreka)

10 Kuko abona ko abanyabwenge na bo bapfa,+

Umupfapfa n’utagira ubwenge bose bararimbuka,+

Ibyo bari batunze bakabisigira abandi.+

11 Icyo imitima yabo yifuza, ni uko amazu yabo yagumaho kugeza ibihe bitarondoreka,+

Amahema yabo agahoraho uko ibihe biha ibindi.+

Amasambu yabo bayitiriye amazina yabo.+

12 Nyamara umuntu wakuwe mu mukungugu, nubwo aba afite icyubahiro, ntakomeza gutura iteka;+

Koko rero, ameze nk’inyamaswa zishwe.+

13 Uko ni ko abapfapfa bamera,+

Kimwe n’ababakurikira bakishimira amagambo yabo yo kwiyemera. Sela.

14 Urupfu rurabaragira,+

Rukabajyana mu mva+ bameze nk’intama zishorewe;

Kandi mu gitondo abakiranutsi barabategeka.+

Imibiri yabo izasaza ishireho;+

Buri wese azajya mu mva aho gushyirwa hejuru.+

15 Ariko Imana izacungura ubugingo bwanjye ibuvane mu mva,+

Kuko izanyakira. Sela.

16 Ntugaterwe ubwoba n’uko hari umuntu uronse ubutunzi,+

N’icyubahiro cy’inzu ye kikiyongera,+

17 Kuko iyo apfuye adashobora kugira ikintu na kimwe ajyana;+

Icyubahiro cye ntikizamanukana na we kimukurikiye.+

18 Kuko igihe yari akiriho yakomeje kwihimbaza;+

(Abantu bazagushimira ko wikungahaje)+

19 Amaherezo azapfa asange ba sekuruza.+

Ntibazongera kubona umucyo ukundi.+

20 Umuntu wakuwe mu mukungugu, nubwo aba afite icyubahiro, iyo adafite ubwenge+

Aba ameze nk’inyamaswa zishwe.+