Yeremiya
45 Ibi ni byo umuhanuzi Yeremiya yabwiye Baruki+ umuhungu wa Neriya, igihe yandikaga mu gitabo amagambo Yeremiya+ yamubwiraga, mu mwaka wa kane w’ubutegetsi bwa Yehoyakimu+ umuhungu wa Yosiya umwami w’u Buyuda:
2 “Ibi ni byo Yehova Imana ya Isirayeli yakuvuzeho Baruki we. 3 ‘Waravuze uti: “ndagowe kuko Yehova yongereye agahinda ku mubabaro wanjye! Nanijwe no gutaka kandi nta hantu mfite ho kuruhukira.”’
4 “Uzamubwire uti: ‘Yehova aravuga ati: “dore icyo nubatse ngiye kugisenya kandi icyo nateye ngiye kukirandura, ni ukuvuga igihugu cyose.+ 5 Nyamara wowe ukomeza kwishakira* ibintu bikomeye. Reka gukomeza kubishaka.”’
“Yehova aravuga ati: ‘kuko ngiye guteza ibyago abantu bose+ kandi aho uzajya hose nzakurokora.’”+