Indirimbo ya 6

Dutangaze ubutumwa bwiza bw’iteka

(Ibyahishuwe 14:6-8)

1. Marayika arazenguruka isi

Afite ubutumwa, bwiza bw’iteka.

Avuga ati ‘nimutinye Umwami.

Musenge Yehova Imana wenyine.

Kuko umunsi w’urubanza ugeze;

Inkozi z’ibibi zose zizumvishwa.

Babwiriza b’Ubwami ntimugatinye

Mutangaze cyane ubutumwa bwiza.

2. Uwa kabiri aratangaza iki

Ngo natwe Abahamya tugitangaze?

Avuga ibyo kugwa kwa Babuloni,

Ko Imana igiye kuyirimbura.

Yehova ategetse ko dutangaza

Ibyo guhora no kweza izina rye.

Ifasi tubwirizamo iragutse;

Ariko marayika ari imbere.

3. Yesu n’abamarayika biteguye

Gutangira guca urubanza ubu.

Nimwange ibibi. Mukore ibyiza.

Mutinye Imana Yehova wenyine.

Dore inshingano twahawe n’Umwami:

‘Igisha ukuri kose kw’Ijambo rye.’

Twe babwiriza turatangaza tuti

‘Nimuze musenge Yehova mwishimye.’