Incuti z’Imana Zikora Ibyiza

Iyo ufite incuti ushima kandi wubaha, ugerageza kumera nka yo. Bibiliya igira iti “Yehova ni mwiza, arakiranuka” (Zaburi 25:8, NW). Kugira ngo tube incuti z’Imana tugomba kuba abantu beza kandi bakiranuka. Bibiliya iravuga iti “mwigane Imana, nk’abana bakundwa. Kandi mugendere mu rukundo” (Abefeso 5:1, 2). Dore uburyo bumwe na bumwe ibyo bishobora gukorwamo:

Jya ufasha abandi. “Tugirire bose neza.”​—Abagalatiya 6:10.

Jya ukorana umwete. “Uwibaga ntakongere kwiba, ahubwo akore imirimo, akoreshe amaboko ibyiza.”​—Abefeso 4:28.

Komeza kuba umuntu utanduye mu buryo bw’umubiri no mu bihereranye n’umuco. “Twiyezeho imyanda yose y’umubiri n’umutima, tugende twiyejesha rwose kubaha Imana.”​—2 Abakorinto 7:1.

Ugaragarize urukundo abagize umuryango wawe kandi ububahe. “Umuntu wese akunde umugore we nk’uko yikunda, kugira ngo umugore na we abone uko yubaha umugabo we. Bana, mujye mwumvira ababyeyi banyu.”​—Abefeso 5:33–6:1.

Garagariza abandi urukundo. “Dukundane; kuko urukundo ruva ku Mana.”​—1 Yohana 4:7.

Wubahirize amategeko akurikizwa mu gihugu. “Umuntu wese agandukire [ubutegetsi] . . . Mwishyure bose ibibakwiriye: abasoresha mubasorere.”​—Abaroma 13:1, 7.