IGAZETI YO KWIGWA

IBICE BYO KWIGWA

▪ Gira ubutwari Yehova ari kumwe nawe!

Abantu benshi bavugwa mu Byanditswe bagaragaje ubutwari n’ukwizera. Gusuzuma bimwe mu byababayeho bizatuma tugira ukwizera gukomeye kandi dukorere Yehova tubigiranye ubutwari. Iki gice kirimo isomo ry’umwaka wa 2013.

▪ Ntukemere ko hagira ikigutandukanya na Yehova

▪ Komeza kwegera Yehova

Hari ibintu byinshi tutihitiramo mu buzima. Muri byo hakubiyemo ababyeyi bacu, abo tuvukana n’aho tuvukira. Uko si ko bimeze ku birebana n’ubucuti tugirana na Yehova. Dushobora guhitamo kugirana na we imishyikirano ya bugufi cyangwa ntitubihitemo. Muri ibi bice havugwamo ibintu birindwi tutagombye kwemera ko bidutandukanya na Yehova.

▪ Gukorera Imana nta cyo wicuza

Buri wese muri twe afite ibintu yakoze yumva yicuza. Icyakora, ntitugomba kwemera ko ibyo bintu twicuza biduca intege mu murimo dukorera Imana. Muri iki gice, turi buvane isomo ku ntumwa Pawulo mu birebana no gukomeza gukorera Yehova nta cyo twicuza.

▪ Abasaza b’Abakristo ni ‘abakozi bakorana natwe kugira ngo tugire ibyishimo’

Mu rwandiko rwa kabiri Pawulo yandikiye Abakorinto, yasobanuye ko we na bagenzi be bari ‘abakozi bakoranaga na bo kugira ngo bagire ibyishimo’ (2 Kor 1:24). Abasaza b’Abakristo bakurikiza bate ibyo Pawulo yavuze? Kandi se, buri wese muri twe yakora iki kugira ngo atume mu itorero harushaho kurangwa ibyishimo? Muri iki gice turi busuzume ibyo bibazo.