Abahamya babwiriza hafi ya Monrovia muri Liberiya

Uburyo bwo gutangiza ibiganiro

●○○ KUGANIRA KU NSHURO YA MBERE

Ikibazo: Ese Bibiliya iracyafite akamaro?

Umurongo w’Ibyanditswe: 2Tm 3:16

Icyo muzaganiraho: Ni ubuhe butumwa bukubiye muri Bibiliya?

○●○ GUSUBIRA GUSURA BWA MBERE

Ikibazo: Ni ubuhe butumwa bukubiye muri Bibiliya?

Umurongo w’Ibyanditswe: Mt 6:10

Icyo muzaganiraho: Ni iki Ubwami bw’Imana buzakora?

○○● GUSUBIRA GUSURA BWA KABIRI

Ikibazo: Ni iki Ubwami bw’Imana buzakora?

Umurongo w’Ibyanditswe: Dn 2:44

Icyo muzaganiraho: Ibyo bizagira izihe ngaruka ku isi?

Guhera muri uku kwezi, amateraniro yo mu mibyizi ntazongera kubonekamo uburyo butatu bw’ikitegererezo. Buzasimburwa n’uburyo bwo gutangiza ibiganiro buzajya bushyirwa mu Gatabo k’Iteraniro ry’Umurimo n’Imibereho ya Gikristo. Ubwo buryo buzaba bugizwe n’ikibazo, umurongo w’ibyanditswe n’ikibazo kizaganirwaho ubutaha. Buri cyumweru hazajya herekanwa videwo imwe igaragaza uburyo bwo gutangiza ikiganiro. Buri mubwiriza azajya yihitiramo kimwe mu bitabo dukoresha tuyoborera abantu ikigisho, yihitiremo n’igihe yagitangira, haba mu gihe aganira n’umuntu ku nshuro ya mbere cyangwa agarutse kumusura. Nanone Agatabo k’iteraniro kazajya kagaragaza ibitekerezo twakwifashisha dusubiye gusura bwa mbere cyangwa ubwa kabiri. Ibyo bizadufasha kwibanda ku ntego yacu yo kwigisha ‘abiteguye kwemera ukuri kuyobora ku buzima bw’iteka bose.’—Ibk 13:48.

Ibiganiro bitangwa n’abanyeshuri: Abanyeshuri bazajya batanga ibyerekanwa bifashishije uburyo bwatanzwe bwo gutangiza ibiganiro, uretse igihe hatanzwe andi mabwiriza.