Bibiliya ibivugaho iki?

Ese amadini yazanywe n’abantu?

UKO BAMWE BABIBONA. Bamwe babona ko amadini yazanywe n’abantu, abandi bakumva ko Imana ikoresha idini kugira ngo ifashe abantu kuyisenga. Wowe se ubibona ute?

ICYO BIBILIYA IBIVUGAHO

“Idini ritunganye kandi ritanduye imbere y’Imana Data wa twese ni iri” (Yakobo 1:27, Bibiliya Yera). Idini ritanduye cyangwa ry’ukuri rikomoka ku Mana.

IBINDI BIBILIYA YIGISHA

Kugira ngo idini rishimishe Imana rigomba kuba ryigisha ukuri ko muri Bibiliya.—Yohana 4:23, 24.
Amadini yigisha ibitekerezo by’abantu ntiyemerwa n’Imana.—Mariko 7:7, 8.

Ese ni ngombwa kugira idini?

WASUBIZA NGO IKI?

Yego
Oya
Biterwa

ICYO BIBILIYA IBIVUGAHO

“Nimucyo kandi tujye tuzirikanana kugira ngo duterane ishyaka ryo gukundana no gukora imirimo myiza, tutirengagiza guteranira hamwe” (Abaheburayo 10:24, 25). Imana ishaka ko abayisenga bagira itsinda babarizwamo.

IBINDI BIBILIYA YIGISHA

Abasenga Imana bose bagomba kuba bahuje imyizerere.—1 Abakorinto 1:10, 11.
Abari mu idini Imana yemera bagize umuryango w’abavandimwe ku isi hose.—1 Petero 2:17.

Niba wifuza ibindi bisobanuro, reba igice cya 15 mu gitabo Ni iki mu by’ukuri Bibiliya yigisha?, cyanditswe n’Abahamya ba Yehova

Nanone kiboneka ku rubuga rwa www.jw.org/rw