IMIBEREHO IKWIRIYE ABAKRISTO
Nzongera kuba umupayiniya w’umufasha ryari?
Ibyo Ezekiyeli yabonye mu iyerekwa ry’urusengero, bigaragaza ko abagaragu ba Yehova bari kujya batanga impano ku bushake. Ni ibihe bitambo by’ishimwe buri wese ashobora gutanga?—Hb 13:15, 16.
Kimwe mu bintu byiza umuntu yakora ni ukuba umupayiniya w’umufasha. Umwaka w’umurimo wa 2018, ufite amezi menshi afite impera z’ibyumweru eshanu. Ibyo bizafasha cyane cyane abafite akazi, bakaba babona umwanya wo kubwiriza mu mpera z’ibyumweru. Ikindi kandi, ababwiriza bashobora kuba abapayiniya bakabwiriza amasaha 30 cyangwa 50 muri Werurwe na Mata, no mu kwezi basuwe n’umugenzuzi usura amatorero.
None se wakora iki mu gihe udashobora kuba umupayiniya w’umufasha? Ushobora kunoza ubuhanga bwawe bwo kubwiriza cyangwa ukongera igihe umara mu murimo wo kubwiriza. Imimerere twaba turimo yose, tuzakore uko dushoboye duhe Yehova ibyiza kurusha ibindi mu mwaka w’umurimo wa 2018, kubera ko tumukunda.—Hs 14:2.
Wakora iki ngo ugire ishyaka nka Sabina Hernández?
MUREBE VIDEWO IVUGA NGO YEHOVA AMFASHA MURI BYOSE, MAZE MUSUBIZE IBIBAZO BIKURIKIRA:
Ni iki cyatumye Sabina akora byinshi mu murimo wa Yehova?
Ni iki wakwigira kuri Sabina?
Mu mwaka w’umurimo wa 2018 ni ayahe mezi wakoramo ubupayiniya bw’ubufasha?